لە شاری مانهایمی ئەڵمانیا فاشیستەکان هێرشیان کردە سەر کۆمەڵەی کەلتوری کورد و جام و شوشەی دەرگا و پەنجەرەی کۆمەڵەکەیان شکاند. بەپیی زانیاریەکان هێرشەکە سەرلەبەیانی ئەمڕۆ ئەنجامدراوە.

لە ئەنجامدا بەرپرسانی کۆمەڵەکە پەیوەندیان بە پۆلیسەوە کرد و پۆلیس بە بیانوی 'ئەندامانیان لەوێ نین' لێکۆلینەوەیان رەت کردەوە.

بەرپرسانی کۆمەڵەکە رایانگەیاند کە هێرشەکە لەلایەن فاشیستە تورکەکانەوە ئەنجامدراوە.

جێی بەبیرهێنانەوەیە کە لە مانگی شبوتیشدا هێرشێک بە هەمان شێوەیە ئەنجامدرابوو. پۆلیس لەبەرانبەر هێرشی سەر کۆمەڵەی کوردان هیچ وڵامێکی نەدایەوە، ٣ ساڵ لەمەوبەریش بە بیانوی چالاکی کەلتوری، هێرش لەبەرانبەر ماڵی ٥ ئەندامی بەڕێوەبەری کۆمەڵەکە ئەنجامدرابوو.

ف.ق