لە شاری گیسنی ئەڵمانیا هێرشە داگیرکارییەکان ئیدانە کران
تاوانە جەنگییەکانی دەوڵەتی تورک، بە پشتیوانیی ناتۆ ئەنجامیان دا، لە شاری گیسنی ئەڵمانیا بە رێکخستنی چالاکییەک ئیدانە کران.
هێرشی پاکتاوکردن، قڕکردن و داگیرکاریی دەوڵەتی تورک بۆ سەر کوردستان لە شاری گیسنی ئەڵمانیا بە رێکخستنی خۆپیشاندانێک ئیدانە کرا.
چالاکییەکە بە پێشەنگایەتیی ناوەندی کۆمەڵگەی دیموکراتیکی کورد بەڕێوەچوو و دەیان کەس بەشدارییان لە چالاکییەکەدا کرد.
لە چالاکییەکەدا بڵاوکراوەی پەیوەست بە هێرشی داگیرکارییەکان خوێندرایەوە. چالاکییەکە بە وتە و لێدوانی کەسایەتییەکان و لایەنەکان بەردەوام بوو و ڕایانگەیاند: "دەوڵەتی تورک بە پشتیوانیی ناتۆ هەموو جۆرە تاوانێکی جەنگی لە کوردستان ئەنجام دەدات. ئەم تاوانانە بە بەرچاوی دەزگا پەیوەندیدارەکانەوە ئەنجام دەدرێن. بێدەنگیی ڕێکخراوە نێونەتەوەییەکان بوێرییەکی زۆر بە ڕژێمی ئاکەپە – مەهەپە دەدا. ئێمە ئەمە قبوڵ ناکەین و هەمیشە لە مەیدانەکاندا دەبین".
چالاکیەکە بە دروشمی "بژی بەرخۆدانی ڕۆژئاوا" و "بژی بەرخۆدانی گەریلا" کۆتایی پێهات.
ژ.ت
