لە شاری تولۆسی فەرەنسا ستاندی واژۆکۆکردنەوە بۆ پەکەکە دانرا
لە شاری تولۆسی فەرەنسا لە دژی قەدەغەی سەر پەکەکە و بۆ کەمپەینی کۆکردنەوەی واژۆ، ستاندێک دانرا.
کەمپەینی واژۆکۆکردنەوە بۆ لابردنی ناوی پەکەکە لە "لیستی تیرۆر" بەردەوامە.
لە شاری تولۆس لە باشوری فەرەنسا بە پێشەنگایەتیی بزووتنەوەی ژنان ستاندێکی واژۆکۆکردنەوە بۆ لابردنی ناوی پەکەکە لە "لیستی تیرۆر" دانرا.
ستاندەکە لە بەردەم زانکۆی میرایل دانرا و لەلایەن خوێندکاران و هاووڵاتییانەوە بە بایەخ و گرنگییەوە پێشوازیی لێکرا و ژمارەیەکی زۆر واژۆ کۆکرانەوە.
ژ.ت
