لەشاری ئانڤێرسی بەلجیکا لە دژی گۆشەگیری سەر رێبەری گەلی کورد عەبدوڵا ئۆجالان رێپێوانێکی جەماوەری سازکرا. رێپێوانەکە بە خولەکێک رێزلێنان دەستیپێکرد و بە وتنەوەی دروشم لە گۆڕەپانی سینت ژانسپلیەن تا رۆسڤێڵتپلاتس بەردەوام بوو.

جەماوەرەکە سەرباری سەرما و سۆڵەش رێپێوانیان کرد و بێ پسانەوە دروشمەکانی وەک "ئازادی بۆ رێبەر ئاپۆ"، "ئازادی بۆ کوردستان"، "بژی سەرۆک ئاپۆ"، "بژی گەریلا" و "ژن ژیان ئازادی"یان دەوتەوە.

رێپێوانەکە ٢ کاتژمێر بەردەوام بوو. لە رێپێوانەکەدا بڵاوکراوە دابەش کران. چالاکی بە بانگەواز بۆ بەشداری لەو رێپێوانەی رۆژی چوارشەممە ١٤ی کانونی یەکەم بە پێشەنگایەتی تەکۆژن لە بروکسەل بەڕێوەدەچێت، کۆتایی هات.

هـ . ب