لە شاری ئۆربرۆی سوید، بۆ پشتگیری لە گەلی باکوور و ڕۆژهەڵاتی سوریا کە لە دژی  هێرشی داگیرکاری و قڕکردنەکانی دەوڵەتی تورکی داگیرکەر و چەتەکانی بەرخۆدان دەکەن شەوی پشتگیری بەڕێوەچوو.

لە چالاکییەکەدا بە ناوی مەجلیسی گەلی کورد لە  ئۆربرۆ حەیدەر عەفرین قسەی کرد و وتی: "پێویستە شۆڕشی ڕۆژئاوا کە بە ڕەنج و بەرخۆدانێکی مەزن لەسەر هێلی ژنان دروست کراوە، وەک چاوی خۆمان بیپارێزین و خاوەندارێتی لێ بکەین".

لەچالاکییەکەدا کۆمەڵێک هونەرمەند بەشدار بوون. لە تەواوی چالاکییەکەدا دروشمی "بژی یەپەژە" و "بژی یەپەگە" بەرزکرایەوە.

شەوی پشتگیری  بە جۆش و خرۆشەوە بە کۆتایی هات.