هونەرمەندی ڕاپەڕی خەڵکی لوڕستان، لە سەروەختی شۆڕشی "ژن، ژیان، ئازادی" دەستبەسەرکرا و پاش ساڵێک لە ئەشکەنجە و توندوتیژی لە زیندانەکانی ئێران، ئەمڕۆ سزای لەسێدارەدانی بەسەردا سەپێنرا.

پارێزەری هونەرمەندەکە، ئەمیر ڕەئیسیان هەواڵەکەی پشتڕاست کردەوە و گوتی: "دادگای کۆماری ئیسلامی لە شاری ئەسفەهان موەکیلەکەمی بە تۆمەتی "خراپەکاری لەسەر زەوی" بە سێدارە سزا داوە، لە کاتێکدا پێشتر لە پای ئەو تۆمەتە بە شەش ساڵ و نیو زیندانی سزا درابوو".

پارێزەرەکانی هونەرمەندەکە ڕایانگەیاند بڕیارەکە ناڕەوایە و تانەی لێ دەدەن، هەروەها دوای بڵاوبوونەوەی هەواڵەکە چالاکوانان لە تۆڕی کۆمەڵایەتی ئێکس هەڵمەتی دانانی هاشتاگی "توماج صالحی"یان دەست پێ کرد.