زەینەب دورگوت پەیامنێری ئاژانسی میزوپۆتامیایان دەستگیر کرد
جەندرمەی تورک زەینەب دورگوت پەیامنێری ئاژانسی میزوپۆتامیای لە کاتی رووماڵی هەواڵ و کاری رۆژنامەنووسیدا لە ناوچەی باسانی شاری شرنەخ دەستگیر کرد.
زەینەب دورگوت دوای دەستگیرکردنی، هەموو ئەو دیمەن و وێنانەی لە ناوچە و گوندەکان تۆماری کردبوون، لە لایەن جەندرمەکانەوە سڕانەوە.
بە پێی زانیاریەکان دورگوت لە لایەن جاشێکی ناوچەکەوە هەواڵی لێدراوە و لە کاتی تۆمارکردنی دیمەنی ئەشکەوتێکی ناوچەکە، دستگیر کرا.
دوای دەستگیرکردنی، دورگوت رەوانە فەرماندەیی جەندرمەی ناوچەکە کراو و لێکۆڵینەوەیان لەگەڵدا کرا. دوای لێکۆڵینەوە و سڕینەوەی هەموو دیمەن و وێنەکانی ناو کامێراکە، بۆ راپۆرتی پزیشکی رەوانەی نەخۆشخانەی دەوڵەتیی باسان کراو.
دوای راپۆرتی پزیشکی، دورگوت ئازاد کرا.
ز.ش
