له ئیدر سه‌رله‌نوێ ده‌نگه‌كان ده‌ژمێردرێنه‌وه
له شاری ئیدر كه هه‌ده‌په سه‌ركه‌وتنی به‌ده‌ستهێناوه، له‌سه‌ر داوای ئاكه‌په و مه‌هه‌په ده‌نگی ٧٠ سندووق سه‌رله‌نوێ ده‌ژمێردرێنه‌وه.
له هه‌ڵبژاردنی شاره‌وانیی شاری ئیدر له باكووری كوردستان پارتیی دیموكراتیی گه‌لان (هه‌ده‌په) ٥٠،١٠%ی ده‌نگه‌كانی به‌ده‌ستهێنا و شاره‌وانییه‌كه‌ی برده‌وه. هاوپه‌یمانه‌تیی ئاكه‌په-مه‌هه‌په له ده‌سته‌ی باڵای هه‌ڵبژاردنه‌كان تانه‌ی له ئه‌نجامه‌كه دا و داوای كرد ده‌نگی ٧٠ سندووق بژمێردرێنه‌‌وه. داواكارییه‌كه په‌سه‌ند كرا و سه‌رله‌نوێ ده‌نگه‌كانی ئیدر ده‌ژمێردرێنه‌وه.
پێشبینی ده‌كرێت تا ئێواره ژماردنه‌وه‌ی ده‌نگه‌كان ته‌واو بێت و ڕابگه‌یه‌نرێت.
s.m
