له ١٥ گوند و ٢٢ لادێی ئامه‌د هاتووچۆ قه‌ده‌غه كرا
پارێزگه‌ی ئامه‌د قه‌ده‌غه‌كردنی هاتووچۆی له ١٥ گوند و ٢٢ لادێی سه‌ر به ناوچه‌كانی هێنێ و لجه-ی ئامه‌د ڕاگه‌یاند.
پاش ئه‌وه‌ی پارێزگه‌ی ئامه‌د له ده‌وروبه‌ری ناوچه‌كانی هێنێ و لجه-ی سه‌ر به ئامه‌د هاتووچۆی قه‌ده‌غه كرد، ئه‌مڕۆ له ١٥ گوند و ٢٢ لادێی سه‌ر به‌و ٢ ناوچه‌یه‌ش هاتووچۆ قه‌ده‌غه كرا.
ڕاگه‌یه‌نرا كه قه‌ده‌غه‌ی سه‌ر چه‌ند گوندێكی ناوچه‌ی لجه و هه‌زرۆ كه ئه‌مڕۆ كاتژمێر ٦ی به‌یانی له لایه‌ن پارێزگه‌ی ئامه‌ده‌وه ڕاگه‌یه‌نرابوو، كۆتایی هاتووه.
پارێزگه‌ی ئامه‌د ڕایگه‌یاند، كاتژمێر ١٨ی ئه‌مڕۆ قه‌ده‌غه‌كردنی هاتووچۆ كۆتایی هاتووه.
s.m
