یەکینەی تۆڵەسەندنەوەی شەهید باران دێرسم و شەهید نودا کارکەر بە مەبەستی رسواکردنی گۆشەگیری سەر رێبەری گەلی کورد عەبدولا ئوجالان، لە شاری وان ریزەیەک چالاکییان ئەنجامدا.

یەکینەی تۆڵەسەندنەوەی شەهید باران دێرسم و شەهید نودا کارکەر لە راگەیێنراوێکدا ئاشکرای کرد، لە رۆژی ١ی کانونی دووهەمی ٢٠٢٠ لە گەڕەکەکانی شابانی و کۆییچی و سوبجان-ی سەر بە ناوچەی ئارتێمەتان و گەڕەکی خاچۆرت-ی سەر بە ناوچەی ئارموشی شاری وان لە دژی گۆشەگیری سەر رێبەرایەتی چالاکییان ئەنجامداوە.

لە بەردەوامی راگەیێنراوەکەدا هاتووە: "لە کاتێکدا یەکینەکانمان بانگەوازیان بۆ گەل دەکرد کە لە دژی گۆشەگیری سەر رێبەر ئاپۆ بێدەنگ نەمێنن، زرێپۆشەکانی سوپای دوژمن ویستیان بێنە ناو گەڕەکەکە، بەڵام هێزەکانمان بە بۆمبی دەستی و فیشەکی هەوایی، وڵامیان دانەوە.

دوژمن گەڕەکەیان گەمارۆدا و بۆمبی فرمێسک رێژیان بەکار هێنا. یەکینەکانمان بە سەلامەتی گەیشتنە بارەگاکانیان.

یەکینەکانمان بە تایبەت بانگەوازییان ئاڕاستەی گەنجان کرد کە لە هەر جێگایەک هەن، بەشداری ریزەکانی تێکۆشان ببن و هەموو کەسێک لە ساڵی ٢٠٢٠ تێکۆشان گەشتر بکەن و گۆشەگیری سەر رێبەر ئاپۆ و فاشیزم هەڵوەشێنن."

ز.ش