مه‌هه‌په داوای هه‌ڵوه‌شاندنه‌وه‌ی هه‌ڵبژاردنی شاره‌وانیی ئیدر ده‌كات
پارتیی بزووتنه‌وه‌ی میللی (مه‌هه‌په) كه هاوپه‌یمانی ئاكه‌په‌ی ده‌سه‌ڵاتداره به‌فه‌رمی داوای له ده‌سته‌ی باڵای هه‌ڵبژاردن كرد هه‌ڵبژاردنی شاره‌وانیی ئیدر هه‌ڵبوه‌شێنێته‌وه.
پارتیی دیموكراتیی گه‌لان (هه‌ده‌په) له هه‌ڵبژاردنی شاره‌وانیی شاری ئیدر سه‌ركه‌وتنی به‌ده‌ستهێناوه. مه‌هه‌په له دژی ئه‌م سه‌ركه‌وتنه‌ی هه‌ده‌په چه‌ندین ڕێگه‌ی گرتووه‌ته‌به‌ر. پێشتر به‌مه‌به‌ستی هه‌ڵوه‌شاندنه‌وه‌ی ئه‌نجامی هه‌ڵبژاردنه‌كه له ده‌سته‌ی هه‌ڵبژاردنی ناوچه‌كه و پارێزگه‌ی ئیدر سكاڵای تۆمار كردبوو به‌ڵام سكاڵاكانی ڕه‌تكرابوونه‌وه.
ئه‌م جاره‌یان مه‌هه‌په له ده‌سته‌ی باڵای هه‌ڵبژاردن سكاڵای تۆمار كرد و داوای هه‌ڵوه‌شاندنه‌وه‌ی هه‌ڵبژاردنی شاره‌وانیی ئیدری كرد.
s.m
