هه‌ده‌په تانه‌ی له ئه‌نجامی هه‌ڵبژاردنی كه‌رجه‌وس دا
ڕێكخستنی پارتیی دیموكراتیی گه‌لان (هه‌ده‌په) تانه‌ی له ئه‌نجامی هه‌ڵبژاردنی شاره‌وانیی ناوچه‌ی كه‌رجه‌وس-ی سه‌ر به پارێزگه‌ی ئێلح دا.
به گوێره‌ی ئه‌نجامه نافه‌رمییه‌كان له هه‌ڵبژاردنی شاره‌وانیی ناوچه‌ی كه‌رجه‌وس ئاكه‌په هه‌زار و ٦١١ ده‌نگ و هه‌ده‌په‌ش هه‌زار و ٥٦٨ ده‌نگی به‌ده‌ستهێناوه. له كاتی ژماردنی ده‌نگه‌كان له ته‌واوی ناوچه‌كه ٢٥٢ ده‌نگ پووچه‌ڵ كرانه‌وه.
ڕێكخستنی هه‌ده‌په له ناوچه‌كه دژی زیادبوونی زه‌رفی پسووڵه‌ی ده‌نگ و ئه‌و ده‌نگانه‌ی پووچه‌ڵ كراونه‌ته‌وه، تانه‌ی له ئه‌نجامه‌كان دا و له ده‌سته‌ی باڵای هه‌ڵبژاردنه‌كان سكاڵای تۆمار كرد.
s.m
