ساڵێک تێدەپەڕێت بەسەر بومەلەرزە وێرانکەرەکەى کرماشاندا، بە هەزاران کەس گیانیان لەدەستدا و بریندار بوون، هەروەها نزیکەى ٨٠ هەزار کەس ئاوارەبوون، بەڵام هێشتا ئەو ناوچانە ئاوادەن نەکراونەتەوە و ئاوارەکان لەناو چادر و کابینەدا دەژین.
پلاتفۆرمی یارسان لەبەیاننامەیەکدا ڕخنەی توندی لە دەسەڵاتدارانی ئێران گرتووە کە دوای یەک سال بەسەرئەو بۆمەلەرزە ماڵوێرانکەوەوە، هێشتا هیچ هەنگاویک بۆ هاووڵاتیان بەتایبەتی هاوولاتیانی یارسان نەنراوە.
پلاتفۆرمی یارسان دەستنیشانی کرد کە ڕژیمی ئێران بە پلان و بەرنامە ناوچە یاراسانەکان ئاوەدان ناکاتەوە و هەوڵی قڕکردن گەلی یارسان دەدات.
دەقی راگەیەنراوەکەی پلاتفۆرمی یارسان بەزاراوەی کوردی خوارین:
هەڵس و بنیش گەلان لە ناوچەیل زەویلەرزە لێدریاگ نمونەیگ بی لە یەکیەتی و ئرادەی مەردم روژ ٢١ خەزەڵوەر پارەکەی هەتاوی زەویلەرزەیگ وە هێز ٧.٣ رێشتر لە ئوستان کر ماشان هات و خەسار فرەیگ ماڵی و گیانی لە شوون خوەی وە جێ هێشت، ئی زەویلەرزە ئەڕا جارێ ترەک یەکیەتی و وەگەرد یەک زنەیی کردن گەلان ئەڕا گشت ئاشکار کرد.
لە شوون زەویلەرزەگە گەل کورد وە تایوەت و گەلان ترەک ئێران هاتنە هانای خەڵک ناوچەیل لێ قومیاگ ئوستان کرماشان چین وهاوکاریەیل خوەیان رەساننە خەڵک .
ئیمە دیمن گەلان بەلوچ، ئازەری، فارس، گیلەک، باوەریەیل جیاجیا لە بەهایی، مەسیحی، ئسلام و پێکهاتەیل ترەک وە بێ جیاوازی نژاد وە فکر و باوەریان هاتنە کومەک مەردم و هەتا ئیسەیش هانە ناو مەردم و هاوکارییان کەن، هەڵس و بنیش مەردم لە سەرانسەر ئێران نیشانەی خوەی ئاگایی، حس سوسیالیستی و ئازادیخوازی ئەوان بی، وە شیوەیگ توانیم بویشیم نمونەیگ بی لە پشت بەستن و ئرادە و هازمەر .زەویلەرزەیگ سروشتی حەماسەیگ ئنسانی وەگەرد خوەی هاورد، حەماسەیگ ک تەنانەت ئەڕا کومەک وە مەردم لێ قومیاگ چەن کەس گیانیان وە دەس دان، حەماسەیگ وە شیوەی خوەیوەڕێوەبەری ک دەیان ئەنجومەن و ناوەند مەردمی لە سەرانسەر روژهەڵات کوردستان هاتنە هانای مەردم و لە هاتن کارەساتێگ گەوراترنواگیری کردن، هەروەیجوورە ئن‌جی‌ئو و ئەنجومەنەیلێگ لە ناوچەگە دامەزر.
لە ئێردا وە جوور هەمیشە دیمن ک دەوڵەت فاشیست مەزهەبی ئێران کومەکێگ وە خەڵک نەکرد و وە شوون پەیرەو کردن سیاسەت کونە فکرانەی خوەیان لە ناوچەگە بی، لە وەختێگە خەڵک زەویلەرزە لێدریاگ لە نەیاشتن وەسایل و ئەمکانات رەنج بەن، رژیم ئێران خەریک ئاژاوەگەری و شەڕ لە وڵاتەیل ترەک روژهەڵات ناوەراسە، لە شوون ساڵێگ دوینمین نزیک وە ٤٠ دەرسەد مەردم زەویلەرزە لێدریاگ ئەڕا شارەیل ترەک روژهەڵات و ئێران کوچ کردنە، هەمرای ٢٠ دەرسەد ماڵەگان نەسازیاس، ئەو ئەنازەیشە ک سازیاس زوورمێ لە لایەن خەیرخوازەیل و خود مەردم بیە.
هەروەیجوورە چالاکەیل فەرهەنگی و مەدەنی وە بۆنەی رخنە گردن لە لاقەید رژیم لە یارمەتی دان وە ناوچەیل کورد نشین زەویلەرزە لێدریاگ دەسگیر کریان ،روی راسەکانی رژیم فاشیست مەزهەبی ئێران لە باوەت نووڕینێ لە سەر گەل کورد ئەڕا جارێ ترەک ئاشکار بی و بایەد مەردم لە ئیە تەجربە بگرن و پشت خوەیان وە دەوڵەت نەوەسن .
ئیمە جوور دەستەی وەڕێوەبەری پلاتفۆرم یارسان کەمتەرخەمی و ئقدامەیل کونەفکرانەی رژیم ئێران وە تونی شەرمەزارکەیم و سەرخوەشی خوەمان لە گشت خانەوادەی ئەو کەسەیلە ک گیانیان لە دەس دانە ئیلان کەیم و ئمێد سلامەتی ئەڕا زامارەیل خوازیمن، داوایش لە گەل یارسان وە تایوەت و گەل کورد کەیم ئەڕا رێز گردن لە یاد گیان لە دەس داگەیل ئەو زەویلەرزە لە ساعەت ٢١:٤٨ ئەڕا ماوەی دەقەیگ گوڵوپ و وەسایل روشنایی خوەیان خاموش کەن .
دەستەی وەڕێوەبەری پلاتفۆرم یارسان
ک٠ش
