دیرووک کوردستان پرە لە گیان فەدایی و تێکۆشان دژ وە داگیرکاری و زوڵم ئەڕا زنەیێگ بەرابەر، یەکسان، ئاشتیخوازانە. لە دەوران کۆنفدراسیون مادەیل هەتا پاوەگەزدان شاخوشین، سولتان سەحاک و شا تەیموورەگان بگر، تا کۆبانێ، شنگال، سور، جزیر و ئەفرین.
دیرووک کوردستان پرە لە گیان فەدایی و تێکۆشان دژ وە داگیرکاری و زوڵم ئەڕا زنەیێگ بەرابەر، یەکسان، ئاشتیخوازانە. لە دەوران کۆنفدراسیون مادەیل هەتا پاوەگەزدان شاخوشین، سولتان سەحاک و شا تەیموورەگان بگر، تا کۆبانێ، شنگال، سور، جزیر و ئەفرین، دەیان هەزار روڵەی قارەمان و تێکۆشەر گیانیان فەدا کردنە. ئەگەریش خاستر بنووڕیمنە دیرووک پاوەگەزدانەگان، وە تایوەت ئی ئاخرە دوینیمن هاوشان وەگەرد گەل کورد، گەلان ترەک لە وەرانوەر زورگویی و داگیرکاری تێکۆشان کردنە.
وە هاتنە ئارای سیستم سەرمایەداری و قورخ کردن جەهان، یەواش یەواش خەریک گوڕانن رەنگ، بوو و مانای زنەیی، ئنسانیەت و کۆمەڵگاس و لە ناو رووژەیل وەرین وەزارەت خارجەی ئامریکا سەرکردەی سیستم سەرمایەداری وە بڵاو کردن بەیانیەیگ ئەڕا وەتن شوون وە یا لەتمە دان لە موراد قەرەیلان، جەمیل بایک و دووران کاڵکان سێ وەڕێوەبەر هەپەگە، کەجەکە و پەکەکە ک ئامریکا وە رابەرەیل پەکەکە و ترۆریست ناویان بردیە و پویل داناس، هەڵوێست ئامریکا لە چ وەخت و ئەڕا ئەنجام گرێ؟ کی ترۆریستە؟ کەسێگ ک ئەڕا گەلان روژهەڵات ناوراس تێکۆشان کەید و ملیونان کەس لە کۆمەڵکوشی و بەردەداری مودرن رزگار کردیە یا وڵاتەیلێگ ک داعش و ئەلقاعدە و گروپەیل هاوشیوەی ئیانە دورس کردن؟
ئامریکا وە ئی کاریە وە تەماس نوای تێکۆشانێگ ک وە دەسەوەری جمشت ئازادی وەڕێوە چوود بگرێ و کەسەیل خوەی فروش وە کار بارێ ئەڕا لەتمە دان لە گەل کورد، بەڵام هەڵوێست گەل کورد لە شوون ئەو بڕیارە، ئەوە وە ئامریکا سابت کرد ک ئەو سێ کەسە لە ناو دڵ ملیونان کەس کورد و ئازایخوازن و شوونیان دیارە.
ئیمە جوور پلاتفۆرم یارسان بڕیار ئامریکا لە باوەت سێ تێكۆشەر کورد و ئازادیخواز موراد قەرەیلان، جەمیل بایک و دووران کاڵکان وە زنێوەکەر داعش و پشتیوان رژیم فاشیست و داگیر کەر تورکیە زانیمنەی و ئی بڕیارە وە تونی شەرمەزار کەیم.
ر.م
