گەریلا تیڤى ڤیدیۆى چالاکییەکەى بازیدی بڵاوکردەوە
گەریلا تیڤى ڤیدیۆى چالاکییەکەى رۆژی ١٤ى نیسانی ٢٠١٨ى لە ناوچەى بازیدى ئاگرى بڵاوکردەوە، کە لە ئەنجامى ئەو چالاکییەدا ٢٠ سەربازى تورکیا کوژران.
گەریلا تیڤى ڤیدیۆى چالاکییەکەى رۆژی ١٤ى نیسانی ٢٠١٨ى لە ناوچەى بازیدى ئاگرى بڵاوکردەوە، کە لە ئەنجامى ئەو چالاکییەدا ٢٠ سەربازى تورکیا کوژران.
ناوەندى راگەیاندن و چاپەمەنیى هێزەکانى پاراستنى گەل (یەپەگە) لەبارەى ئەو چالاکییەوە راگەیاندراوێکى بڵاوکردەوە.
لە راگەیاندراوەکەى هەپەگەدا هاتووە "سوپاى تورکیاى داگیرکەر لە شاخێکى نزیک بنکەى سەربازیى سەرێکانی لەناوچەى بازیدى ئاگرى خۆی جێگیرکردبوو و بنکەیەکى ترى سەربازیى دروستکردبوو. هێزەکانمان لەو ناوچەیەدا لە چوارچێوەى هەڵمەتى سەرکەوتنى شۆڕشگێڕی رۆژی ١٤ى نیسانی ٢٠١٨ و لە کاتژمێر ١٣:٠٠دا لە دژى ئەو سەربازانە لەو شاخەدا چالاکییەکى بەرفراوانیان ئەنجامدا".
هەپەگە راشیگەیاندووە "هێزەکانمان لە ٣ قوڵەوە و لە نزیکەوە گورزی قورسیان لە سەنگەرەکانى دوژمن و قەڵاکەیان و حەشارگەکانیان دا".
لە راگەیاندراوەکەى هەپەگەدا ئەوەش هاتوە "هێزەکانمان بەشێوەیى فیداییانە چوونە سەر سەنگەرەکانى دوژمن و زۆر قارەمانانە گورزیان لە هەموو سەنگەرەکان وەشاند. هێزەکانمان هەموو سەنگەرەکانى سەر ئەو شاخەیان تێکشکاند. لەو چالاکییەدا و ئەوەندەى روون بووەتەوە، ٢٠ سەرباز کوژران و چەندین سەربازى تریش برینداربوون".
لە کۆتایى راگەیاندراوەکەى هەپەگەدا ئەو خراوەتەڕوو "بەهۆی گورزی قورس و بەهێزى گەریلاکانمانەوە چەندین سەربازى ئەو بنکە سەربازییە لەسەر شاخەکە چەکەکانیان بەجێهشت و رایانکرد. دواى چالاکییەکە سوپاى تورکیا بە کۆپتەرى جەنگیى جۆری کۆبرا و سکورسکی هاتە شوێنى چالاکییەکە و کوژراو و بریندارەکانى گواستەوە".
ر.م