گەلی باشووری کوردستان لە دژی داگیرکەری تورکیا ڕژانە سەرشەقام
ئێوارەی ئەمڕۆ،لە زۆربەی شار وشارۆچکەکانی هەرێمی کوردستان بە 'دەستپێشخەریی بەرەی نیشتمانیی دژی داگیرکاریی' و بە دروشمی " سوپای تورکیا بۆدەرەوە "، خۆپیشاندان بەڕێوەچوو.
هاووڵاتیانی شارەکانی هەولێر، سلێمانی، کەرکوک، هەڵەبجە و شارۆچکەکانی کەلاری ناوەندی ئیدارەی گەرمیان و ڕانیەی ناوەندی ئیدارەی ڕاپەڕین و چەمچەماڵ-ی سەر بە سلێمانی و قەڵادزێی سەر بە ئیدارەی ڕاپەڕین، بە دەستپێشخەریی بەرەی نیشتمانیی دژی داگیرکاریی، خۆپیشاندانی ناڕەزایی دژ بە داگیرکاریی دەوڵەتی تورکیا لە باشووری کوردستان بەڕێوەچوو.
لە خۆپیشاندانەکاندا هەموو چین و توێژەکان بەشدارییان کرد و دەیان پانکاردیان دژی داگیرکارییەکان بەرزکردەوە.
لە خۆپیشاندانەکەدا نوێنەرانی پارت ولایەنە سیاسییەکان، کەسایەتییەکان، چالاکانی مەدەن، ژنان ، و ژنان و گەنجان بەشدارییان کرد و دروشمەکانی" سوپای تورکیا بۆدەرەوە – ئەردۆغان باش بزانە، قەندیل هێڵی سوورمانە - سوپای تورکی داگیرکەر لە کوردستان بچنەدەر - قەندیل قەڵای بەرخۆدان و فاشیست و تیرۆرست ئەردۆغان"-یان بە یەک دەنگی دەوتەوە.
لە خۆپیشاندانەکاندا بەیاننامەی 'بەرەی نیشتمانیی دژی داگیرکاریی' دەخوێندرانەوە.
لە بەیاننامەکەدا هاتووە:"بۆ ڕای گشتی له ناوەوەو ده رەوەی وڵات، بۆ گەلی ئێمە لە باشور وه‌ك هه‌موو ئاگادارن؛ له دۆخی ئێستادا گه‌له‌كه‌مان لە ته‌واوی جوگرافیای سیاسی و كۆمەڵایەتی، زه‌‌مینی وڵاته‌كه‌مان دا، رووبه‌ڕووی دژوارترین پیلانگێڕی داگیركاریی و گێژاو و تەنگژەی دوژمنكارانەی ده وڵه‌تە زلهێزە به‌رژەوەندی خواز و دەوڵەتە داگیركه‌رە هەرێمایەتیەكان بوه‌تەوە، ئه‌م دۆخه ناهه‌مواره‌ش له باشووری كوردستاندا گه‌یشتووەته ئاستی مه‌ترسیداری چاره‌نووس ساز، به‌تایبه‌تی رژێمی داگیركه‌ری فاشیستی توركیا، له‌چوارچێوه‌ی پیلانێكی ڕەشی مه‌ودافراوانی سیاسی، سه‌ربازی، ئابووری و كه‌لـلتوورییه‌وه، قۆناغێكی نویی پڕۆسەی داگیركردنی باشووری كوردستانی ده ست پێكردووه".
هەروەها هاتووە:"مەخابن ئه‌و پیلانه‌یشی به‌هاوكاری و پشتیوانی راسته‌وخۆ و ناراسته‌وخۆی هێزگەلێكی باشووری كوردستان به‌ڕێوه‌ده‌چێت ئه‌مه‌ش هاوته‌باییه، له‌گه‌ڵ ئه‌و پڕۆسه داگیركه‌رییه‌دا که دژ به خاك و گه‌ل وڵاتی ئێمه ده‌کرێت، ئێمه پەی به‌وه‌دەبەین كه ئه‌و لەشكركێشییە داگیركارییه‌ی توركیا، بۆ دوو ئامانجی پێكه‌وه گرێدراوه؛ یه‌كه‌میان، له‌ناوبردنی بزووتنه‌وه‌ی ئازادیخوازی گه‌لی ئێمه و گەلانی ناوچەكەیە كه هەموو تێكۆشانی ئەم بزاوتە سیاسیە، شەڕێكی تایبەت ده‌کات لە پێناوی وەدیهێنای ئاشتی و ئازادی و كۆتایهێنان به جەنگ و چەوسانەوە و ستەمكاری، دووه‌م: داگیركردنی ته‌واوی باشووری كوردستان و لە ناوبردنی هه‌ژموونی سیاسی و ژیانی مەدەنی باشور و پاوانكاری سه‌رچاوه‌كانی وزه و سامانی زۆر و زەبه‌ندی باشوری كوردستان".
بەرەی نیشتیمانی دژی داگیرکاریی لە درێژەی بەیاننامەکەدا دەڵێت: ده‌بێت ئه‌و راستییه مه‌ترسیداره‌ش بخه‌ینه بەرچاو، ناهەمواری ئابوری و سیاسی نائاسایشی خه‌ڵكی باشووری كوردستان په‌یوه‌ندییه‌كی راسته‌وخۆی به‌و پیلانه داگیركارییه‌ی توركیاوه هه‌یه و له‌ڕێگه‌ی هه‌ندێك لایه‌نی سیاسییه‌وه كار بۆ شكاندنی ئیرادەی گه‌له‌كه‌مان ده‌کرێت .
بەرەکە پەرلەمان و حكومەتی هەرێمی كوردستانیش ئاگادار دەكاتەوە، كە "هەڵوێستی جدیان هەبێت لە بەرگرتن لەو هێرش و لەشكركێشی و داگیركاریانە، گەر نا هەڵوێستی ترمان دەبێت.
لە کۆتاییدا به‌ره‌ی نیشتمانی دژ به‌داگیركاری، بانگه‌وازی له‌ته‌واوی گه‌له‌كه‌مان ده‌كات و دەڵێت بەتایبەت "گه‌نجان، ژنان، پێشمه‌رگه دێرینه‌كان، رۆشنبیران، چالاكوانان و هه‌موو چین و توێژه‌کان كه وه‌ك شورایه‌كی پۆڵایین كه‌رامه‌ت و شكۆی خۆمان و نیشتمانه‌كه‌مان بپارێزین و باشوور له هه‌رجۆره داگیركارییه‌کی هزری و جوغرافی توركیا و قه‌یرانه دروستكراوه‌كانی رزگار بكه‌ین و زیاتر په‌ره به "به‌ره‌ی نیشتمانی دژه داگیركاری" بده‌ین.
ک-ش
