هێزل ئۆزگور ئەندامی ئەنجومەنی فەرماندەیی یەژاستار  بە بۆنەی ٢٥ەمین ساڵیادی پیلانگێری نێونەتەوەیی قسەی بۆ ئاژانسی هەوآڵی فورات (ANF) کرد.

هێزل ئوزگۆر سەرنجی خستە سەر مێژووی پیلانگێری باڵادەستانی دەولەتی تورک و وتی، "مێژووی فەرمانڕەوایانی تورک مێژوویەکی  پیلانگێڕییە. خۆشک و براکوژی لە عوسمانیەکانیشدا دەرئەنجامی ئەم عەقڵیەتە بوو، زۆرینەی سوڵتانەکان لە شەڕی دەسەلاتدا لە ڕێگەی  پیلانگێڕییەوە گیانیان لەدەستدا. لە کاتی دامەزراندنی کۆماری تورکیا و پروسەکانی دوای ئەوەش لە شەڕی دەسەڵاتداری دا  پیلانگێڕی بوو بە یەکێک لەو رێباز و بناغانەی کە بەکار هات بۆ وەرگرتنی دەسەڵات.

هێزل ئوزگور ئەوەشی دەستنیشان کرد کە یەکێک لەو گەلانەی کە پیلانگێریان لەسەر ئەنجامدراوە گەلی کورد بووە و وتی، "مێژووی پەکەکە  لە دژی پیلانگیریەکانی مێژووی مرۆڤایەتی، گەڕانەوە بۆ جەوهەر و کرۆکی خۆت، خاوەنداریەتی لە ریشەی خۆت، بە ئەنجام گەیاندنی ئازادی ژن، رواندنەوەی هیوا و ئافراندنی کۆمەلگایەکی سیاسی و ئەخلاقیە."

هێزل ئوزگور سەرنجی خستەسەر پیلانگێری لە دژی ڕێبەری گەلی کورد عەبدۆلا ئوجالان کە لە 9ی تیشرینی یکەمی ساڵی ١٩٩٨دا دەستی پێکرد و وتی، "پیلانگێریەک کە لە کەسایەتی ڕێبەر ئاپۆ بەرامبەر گەلی کورد کرا، سمبولی هەموو پیلانگێرییەکانە. رەفتاری هاوڕێیانە و دۆستانە کەمێک سەختە لەبەر هۆکاری ئەنجامدانی ئەم پیلانگێرییە. یۆنانستان کە سەدان سالە دەلێت دۆژمنی ئێمە تورکیایە، هەرچەندە بە بریاری ئەنجومەن ڕێبەرایەتیان بانگهێشت کرد بەڵام دووبارە خاوانداریان لێ نەکرد و بوو بە هاوکاری تورکیا. سەرۆک وەزیرانی ئەوکاتی یۆنانستان بە راگەیەندراوێک وتی، 'دەولەتەکان ویژدانیان نییە، بەرژەوەندیان هەیە و بەو شێوازە رویێکی تری راستی پیلانگێرییەکەی نیشاندا. یونانیستان بۆ بەرژەوەندییەکانی دۆژمنایەتی گەلی کورد و ڕێبەرایەتی هەلبژارد.'

فەرماندار هێزل ئوزگور دەستنیشانی کرد، کە ڕێبەری گەلی کورد عەبدۆڵا ئوجالان بۆ چارەسەری ئاشتیانە بۆ کێشەکان زۆر جار هەوڵیدا و وتی، " لە ئیمراڵیش یەکتربینینی ئەنجام دا و بانگی لە گەڵ و پارتی کرد. پروسەی ئاگربەستی راگەیاند. دەولەتی تورک و هاوکارەکانی لە گەل بانگی ڕێبەرایەتی بۆ چارەسەری کێشەکان، رەفتارەکانیان بۆ پیلانگێری قوول کردەوە و بەردەوام بوون." 

هێزل ئوزگۆر دەستنیشانی کرد کە ئەو شەڕەی  لەم دواییانەدا لەسەر هەرێمەکانی پاراستنی مێدیا بەرێوەدەچێت هیچ یاسایەکی شەڕی تێدا رەچاو نەکراوە، دەرئەنجامی ئەمەیە و بەمشێوەیە بەردەوام بوو: "دەوڵەتی تورک پرۆسەی گۆشەگیری لە ئیمراڵی رۆژ لەدوای رۆژ دژوارتر دەکات و هەوڵ دەدات کە ئێمە بەو بارودۆخی دابڕانە ڕابێنیێت. زیاتر لە دوو ساڵە هیچ یەکتربینینێک لەگەڵ ڕێبەرایەتی نەکراوە و نیگەرانییەکانی خەڵک و پارتیش سەبارەت بە تەندروستی و ژیانی ڕێبەرایەتی گەیشتووەتە لوتکە. لەکاتی ئەم پرۆسەیەدا  گوشاره کان بۆ سەر گەل و خەباتی ڕۆژنامەوانی دیموکراتیک زیاتر بووه . لە چوارچێوەی پلانەکانی پاکتاوکردنی گەریلا، سەدان ئۆپەراسیۆن هەم لە باکووری کوردستان بەڕێوەچوون و هەمیش شەڕێک بە چەکی تەرمۆباریک و کیمیایی لە هەرێمەکانی پاراستنی مێدیا بەتایبەتی زاپ و ئاڤاشین و مەتینا ئەنجامدەدرێت. هەموو ئەمانە درێژەپێدەری پلانگێری ناونەتەوەییە.

هێزل ئوزگور دەستنیشانی کرد کە پێویستە تێکۆشانی دژی پیلانگێڕی بەهێزتر بەردەوام بێت. هەر کەسێک خۆی بە شۆڕشگێڕ، دیموکرات، کەسێکی ئەخلاقی و سیاسی ناودەبات، پێویستە بەشداری ئەم تێکۆشانە ببێت. ئەگەر لە هەموو بوارێکدا تێکۆشانێکی رێکخراو پەرەی پێبدرێت، دەتوانرێت کۆتایی بە رەفتار و مامەڵەی پیلانگێڕیانە بهێنرێت.