چالاکییە ناڕەزایەتیییەکان دژی شەهیدکردنی ڕۆژنامەنووسان نازم داشتان و جیهان بیلگین کە بە فڕۆکەی بێ فڕۆکەوانی دەوڵەتی تورک شەهیدکران، بەردەوامە. لە زێدی داشتان، لە گوندی دیبەکلی گیادین، بنەماڵە و خزمەکانی ویستیان پرسە دابنێن. بەڵام جەندرمەکانی تورک هەڵیانکوتایە سەر پرسەکە و ڕێگەیان نەدا، قەدەغەی هاتوچۆیان لە گوندەکەدا ڕاگەیاند. جەندرمەکان ڕێگەیان نەدا لە شوێنی پرسە مێز و کورسی دابنرێت.

بەهۆی چالاکییە ناڕەزایەتیییەکان دژی شەهیدکردنی ڕۆژنامەنووسان نازم داشتان و جیهان بیلگین، باری نائاسایی ڕاگەیاندرا. دەوڵەت نەیهێشت بنەماڵەکەی پرسە دابنێت، ناوەندی شارەکەی بە زرێ‌پۆش و هەزاران پۆلیس گەمارۆدا.

دەوڵەتی داگیرکەری تورک بە زرێ‌پۆش و پاس هەڵیکوتایەسەر شوێنە دیارەکانی ناوچەکە و بیناکانی دەم پارتی لە ناوچە و شارەکە. پۆلیس و جەندرمە ئەو کەسانە دەپشکنن کە بەو شوێنانەدا هاتوچۆ دەکەن.