جەنگاوەرانی نەجمی ئۆنەر لە بزووتنەوەی شۆڕشگێڕی یەکگرتووی گەلان (هەبەدەهە) ڕایگەیاند کە ڕۆژی ١٩ی ئایار سەعات٢٣:٠٠ لەسەر ڕێگای TEM لە بەردەم کۆجاعەلی، چالاکییەکی سابۆتاژیان لە دژی بارهەڵگرێکی فاشیستان لە وێستگەی وەستانی ئۆتۆمبێلەکاندا ئەنجامدا.

لە ڕاگەیەندراوەکەدا هاتووە کە بارهەڵگری "فاشیستان"بە کەرەستەکانی ناویەوە سووتێندرا و ئاماژە بەوە دراوە کە چالاکییەکە وەک وەڵامێک بۆ هێرشەکان، ئەشکەنجە و گۆشەگیرکردنی زیندانیەکان و ئۆپەراسیۆنی قڕکردنی سیاسی ڕژیمی ئاکەپە-مەهەپە ئەنجامدراوە.