هەپەگە: ٣ داگیرکەر سزادران
گەریلاکانی هەپەگە / یەژاستار لە جۆلەمێرگ هەڵیانکوتایە سەر سوپای تورک. بەپێی ڕاگەیەنراوی هەپەگە ٣ داگیرکەری دوژمن سزاکران، ٢ کۆنتەینەر، ٢ کامێرای مۆبیس و ٢ پرۆژەکتۆر لەناوبران.
ناوەندی ڕاگەیاندن و چاپەمەنی هەپەگە لەبارەی چالاکی گەریلاکان و هێرشی داگیرکەری ڕاگەیەنراوێکی بلاوکردەوە.
ڕاگەیەنراوەکە بەم شێوەیەیە:
"هێزەکانمان لە چواچێوەی هەنگاوی 'کاتی ئازادیە' ١٣ی تشرینی یەکەم کاتژمێر ١٧:٥٠ لە ناوچەی ڕووبارووکی جۆلەمێرگ لە دوولاوە هەڵیانکوتایە سەر داگیرکەران لە گردی گردی هەلیکۆپتەر.
لە بەرەی یەکەمدا ٢ کۆنتێنەر و بارەگایەکی داگیرکەران لەنابران و ٣ سەربازی داگیرکەر سزادران. لە بەرەی دووەمدا لە قولە و سەنگەرەکان درا و لەناوبران. ژمارەی کوژراو و بریندارەکانی دوژمن نەزانرا. لەو چالاکیەدا بە گشتی ٣ سەربازی دوژمن سزادران، ٢ کۆنتەینەر، ٢ کامێرای مۆبیس و ٢ پرۆژەکتۆر لەناوبران.
ناسنامەی ٢ گەریلا کە شەهیدبوون ئاشکراکرا
سوپای داگیرکەری تورک ٢٦ی ئەیلول لە گوندی دێرشەوی چیای گاباری شڕنەخ کاتژمێر لەنێوان ١٧:٣٠ – ٢٢:٣٠ دەستیان بە بۆردومان کرد. لر هرمسن نسەچر ٢٨ی ئەیلول دگیرکەرن کاتژمێر ٠٦:٠٠ دەستی بە ئۆپەراسیۆن کرد. ئۆپەراسیۆن سەرلەئێوارە کۆتایی هات. لە ئۆپەڕاسیۆنەکەدا هاوڕێکانمان سمکۆ و ئامارگی شەهید بوون.
زانیاریەکان لەبارەی ناسنامەی شەهیدەکانمان بەم شێوەیەیە:
نازناو: سمکۆ بۆتان
ناو و پاشناو: نائیف بولدوک
شوێنی لەدایکبوون: شرنەخ
دایک و باوک: ئەمینە و عوسمان
کات و شوێنی شەهادەت: ٢٨ی ئەیلولی ٢٠٢٠ / گابار
نازناو: ئامارگی دۆرشین خەرزان
ناو و پاشناو: چیچەک بەنزەر
شوێنی لەدایکبوون: ئایدن
دایک و باوک: فاتیمە و عابد
کات و شوێنی شەهادەت: ٢٨ی ئەیلولی ٢٠٢٠ / گابار
هەپەگە لەگەڵ ئەوەی باسی لە شوێن و لەدایکبوونی گەریلاکان سمکۆ و ئامارگی و ڕۆڵی قاڕەمانەیان لە خەبات و فیداکاری بۆ ئازادی گەل و وڵاتەکەیان کرد، هەروەها سەرەخۆشی خۆی ئاڕاستەی خانەوادەی شەهیدان و گەلی بۆتان و بە گشتی گەلی کوردستان کرد و بەڵێنیدا ئاڵای تێکۆشانیان بە بەرپرسیاریەکی گەورەوە هەردەم شەکاوە بێت.
فڕۆکە جەنگیەکان هەرێمەکانی پاراستنی میدیایان بۆردومان کرد
دەوڵەتی داگیرکەری تورک هەرێمەکانی پاراستنی میدیایان برۆدومان کرد. زانیاری لەبارەی هێرشەکان بەم شێوەیەیە:
١٣ی تشرینی یەکەم زەویەکانی گوندی یەکمالێی هەرێمی مەتینا لەلایەن فرۆکە جەنگیەکانەوە بۆردومان کرا.
١٤ی تشرینی یەکەم کاتژمێر ١٣:٥٥ و ١٤: ٥٠ دەوروبەری گوندی شکەفتان و بلنبازی ناوچەی مەرۆکی هەرێمی گارە بۆردومانکران. زیان بەر ڕەز و باخی گەلەکەمان گەیشت.
١٥ی تشرینی یەکەم کاتژمێر ١٠:٣٠ ناوچەی سنینی هەرێمی خواکورک لە لایەن فڕۆکە جەنگیەکانەوە بۆردومان کران.
بۆردومانەکە هیچ زیانێکی بۆ هێزەکانمان نەبووە."
ف.ق
