لە هەرێمی شێنێی نێوان موش و ئامەد ٧ رۆژ لەمەوبەر ئاگر کەوتەوە. رۆژ بە رۆژ ئاگرەکە زیاتر بڵاو دەبێتەوە و بەهۆی ئاگرەکە بە هەزاران دار و دەوەن سووتاون و بوونەتە خۆڵەمێش. بە بیانوری پاراستنی ئاسایش رێگە نادرێت هاوڵاتیان ئاگرەکە بکوژێننەوە.

ئیحسان ئایتەمیش سەرۆکی گشتی کۆمەڵەی مەشە ناڕەزایی دەربڕی و وتی، " سووتاندنی دارستانەکان تاڵانکردنە. هیوادارین هۆکارەکەی ئاشکرا بکرێت و تاوانباران دادگایی و سزا بدرێن."

لەبارەی هۆکاری ئاگرکەوتنەکە پەیوەندیمان بە بەڕێوەبەرایەتی دارستانەکانی موش کرد و رایگەیاند، ٥ رۆژە هەوڵ دەدەن، بەڵام بەهۆی سەختی ناوچەکە، تیمەکانی ئاگرکوژێنەوە ناتوانن ئامێری کوژاندنەوەی ئاگر رەوانەی ناوچەکە بکەن.

بەرێوەبەرایەتیەکە وتی، ئەو دەرفەتەیان نییە کە لە ئاسمانەوە دەستوەردان بکەن و ئاگرەکە بکوژێننەوە.

ف.ق