دوای ئەوەی لە ٢ی ئایاردا لە شەنگال سوپای عێراق هێرشی کردە سەر کۆمەڵگەی ئێزدی، لەبەرامبەردا خەڵک لە ڕێگەی چالاکی جۆراوجۆرەوە هەڵوێستی خۆیان لەبەرامبەر سوپای عێراق ڕاگەیاند.

داواکاری سەرەکی کۆمەڵگەی ئێزدی و خەڵکی شەنگال ئەوەیە کە سوپای عێراق گوند و شارەکان بەجێبهێڵێت و جارێکی تر بە چەکی قورسەوە هێرش ناکاتە سەر گوند و شارەکان.

هەرچەندە سوپای عێراق چەند شوێنێکی بەهۆی  کاردانەوە و داواکارییەکان چەند شوێنێکی بەجێهێشتووە، بەڵام هێشتا هێزێکی گەورەی سوپا لە گوند و کۆمەڵگەکاندا ماوەتەوە.

دانیشتوانی کۆمەڵەی دۆهلا لە شەنگال ویستیان ڕێپێوانێک ڕێکبخەن و چالاکی دانیشتن ئەنجام بدەن، بەڵام سەربازانی سوپای عێراق ڕێگریان لە چالاکیی خەڵک کرد و هێرشیان کردە سەر چالاکوانان.

سەربازانی سوپای عێراق ئەو چادرەی کە چالاکوانان لە کۆمەڵگەکە دەیانویست دایبنین، لایان برد و کورسییەکانیان شکاند.

ف.ق