خەڵکی کەمپی پەنابەرانی شەهید ڕۆستەم جودی (مەخمور) بەبۆنەی جەژنی قوربانەوە بە پێشەنگایەتی دامەزراوەی بنەماڵەی شەهیدان بە ڕێپێوانێک ڕوویانکردە گۆڕستان.

پاشان لەسەر گۆڕەکان مۆمیان داگیرساند و خولەکێک ڕێزگرتن بۆ تەواوی شەهیدانی تەڤگەری ئازادی کوردستان پیشاندرا. پاشان لەسەر ناوی بنەماڵەی شەهیدانی کەمپەکە، مەحمود زێوکی قسەی کرد.

مەحمود زێوکی جەژنی قوربانی لە ڕێبەری گەلی کورد عەبدوڵا ئۆجالان و گەریلاکانی ئازادی و شەهیدانی شۆڕش و گەلی وڵاتپارێز پیرۆز کرد و گوتی: "جەژنی قوربان جەژنی ئاشتیی، خوشک و برایەتیی و یەکگرتووییە، گەلی کورد جەژن لە بەردەم دەرگای زیندانەکان و لەسەر گۆڕستانەکان بگێڕن، ئەو تەڤگەرەی زۆرترین باجی بۆ ئاشتیی و ئازادیی داوە، تەڤگەری ئازادیی کوردستانە، دڵنیاین لە سایەی شەهیدەکانمان کە ئێستا سەردانمان کردووە، ئازادیی کوردستان دەبینین، باوەرمان وایە لە جەژنی داهاتوودا لەگەڵ ڕێبەر ئاپۆ و ئازادییخوازان لەسەر قەڵای سوری ئامەد جەژن پیرۆز دەکەین".

جەماوەری گەل بە بەرزکردنەوەی درووشمی "بێ سەرۆک ژیان نابێ" و "شەهید نامرن" و "بژی سەرۆک ئاپۆ" کۆتایی هات.