كۆمیته‌ی ناوه‌ندی په‌كه‌كه: ژیانی راسته‌قینه خودی شه‌هیدانن. ئێمه داواده‌كه‌ین كه باش درك به راستی شه‌هیدان بكه‌ین، راست تێبگه‌ین و له‌سه‌ر ئه‌و بنه‌مایه تێكۆشانی هه‌ڵوه‌شاندنه‌وه‌ی فاشیزمی ئاكه‌په و مه‌هه‌په له هه‌موو شوێنێك به‌گوڕتر بكه‌ین.
كۆمیته‌ی ناوه‌ندی په‌كه‌كه به بۆنه‌ی ١٨ی گوڵان كه یه‌كێك له پێشه‌نگانی بزوتنه‌وه‌ی ئازادی كوردان هه‌قی قه‌رار و یه‌ك له پێشه‌نگانی بزوتنه‌وه‌ی شۆڕشگێڕی توركیا ئیبراهیم كایپاكایا شه‌هیدكران، له ساڵیادی شه‌هیدكردنیان په‌یامێكی بڵاوكرده‌وه.
له‌په‌یامی كۆمیته‌كه‌دا ئه‌م بابه‌تانه‌ی باسیان لێوه‌كراوه:
"شۆڕشگێڕی مه‌زن كه رێبه‌ر ئاپۆ پێیده‌گووت ‘ئه‌وه رۆحی شاراوه‌ی منه‘ هه‌ڤاڵ هه‌قی قه‌رار له ١٨ی گوڵانی ١٩٧٧دا شه‌هیدكرابوو. ئه‌م ساڵ پێده‌نێینه ٤٦هه‌مین ساڵیادی شه‌هیدبوونی ئه‌و. ئێمه گوڵانی ٤٦هه‌مین كه به شه‌هیدبوونی هه‌قی قه‌رار ده‌ستیپێكراوه، وه‌ك رۆژی شه‌هیدان و مانگی شه‌هیدان ده‌ژین. ئێمه بزوتنه‌وه‌ی ئازادی كوردان و گه‌لی كورد پێده‌نێینه ٤٦ هه‌مین ساڵیادی شه‌هیدان. له گوڵانی ٤٦هه‌مینیشدا ئێمه له‌سه‌ر هێڵی هه‌قی قه‌رار و له سه‌ر هێڵی شه‌هیدان ده‌ژین و شه‌ڕ ده‌كه‌ین. له تێكۆشانی ئازادی مێژووییدا ئێمه به پێشه‌نگایه‌تی به‌رخودانی زاپ و ئاڤاشین به‌ره‌وپێش ده‌چین و شه‌هیدی نوێ ده‌به‌خشین.
له‌سه‌ر ئه‌و بنه‌مایه له ساڵیادی ٤٥ هه‌مینی شه‌هیدبوونیدا، ئێمه هه‌موو شه‌هیده قاره‌مانه‌كانمان كه به شۆڕشگێڕی گه‌وره هه‌قی قه‌رار ده‌ستیپێكرد و تا مزگین رۆناهی و ئایسه‌ڵ دۆغان به‌رده‌وام بووه، هه‌موویان به رێز و پێزانینه‌وه سڵاو ده‌كه‌ین. به‌ڵێنی خۆمان دووباره ده‌كه‌ینه‌وه كه ئێمه ئامانجی شه‌هیدانی قاره‌مان بگه‌یه‌نینه سه‌ركه‌وتن و یادی ئه‌وان به زیندوویی بهێڵینه‌وه. له ساڵی ٤٦هه‌مینشدا ئێمه له سه‌ر هێڵی شه‌هیدان كه هه‌قی قه‌رار پێشه‌نگایه‌تی ده‌كات، به به‌هێزی ده‌جه‌نگین و به به‌هێزی سه‌رده‌كه‌وین. له‌سه‌ر ئه‌و بنه‌مایه هه‌ڤاڵانی پارتیمان به‌تایبه‌تی، ئێمه داوا له هه‌موو گه‌له‌كه‌مان و دۆستانمان ده‌كه‌ین كه به باشی له هێڵی شه‌هیدان تێبگه‌ن و به سه‌ركه‌وتوویی جێبه‌جێی بكه‌ن.
رێبه‌ر ئاپۆ وتبووی ‘په‌كه‌كه پارتی شه‌هیدانه‘ و باسی له‌وه‌شكردبوو كه شه‌هیدانی ئێمه به شێوه‌ی په‌كه‌كه ده‌ژین. پێینیشانداین كه راستی راسته‌قینه‌ی شه‌هیدانه. وتی، كه شه‌هید سه‌ره‌كیترین به‌های ئێمه‌ن و هه‌موو كات ده‌بنه ێزی به‌هێزی ئێمه. ئاماژه‌ی به‌وه‌كردبوو كه پێویسته ئێمه هه‌رگیز له هێڵی شه‌هیدان دانه‌بڕێین و له راستی شه‌هیدانه‌وه دوورنه‌كه‌وینه‌وه. كاتێك به دروستی له شه‌هیدان تێبگه‌ین و به هێزه‌وه خاوه‌ندارییان لێبكه‌ین، ئێمه به دروستی له‌سه‌ر هێڵی شه‌هیدان ده‌ڕۆین، ئێمه هه‌موو كات سه‌رفرازی گه‌وره به‌ده‌ستبهێنین.
٤٥ ساڵ ئێمه له‌سه‌ر هێڵی هه‌قی قه‌رار ژیاین و تێكۆشاین
ئێمه وه‌ك بزوتنه‌وه‌ی ئازادی كوردستان و گه‌لی كورد ٤٥ ساڵ له‌سه‌ر هێڵی هه‌قی قه‌رار و هێڵی شه‌هیدان ژیاین و تێكۆشاین. ئێمه هه‌موو شتێكمان له سایه‌ی تێكۆشانی مه‌زن له سه‌ر هێڵی رێبه‌رایه‌تی و هێڵی شه‌هیدان به‌ده‌ستهێنا. له‌سه‌ر ئه‌و بنه‌مایه ئێمه فێری هه‌قیقه‌ت بووین و خۆمان گه‌یانده راستی مێژوو، ئێمه راستی وڵات، نه‌ته‌وه، گه‌ل و ره‌گه‌زمان له‌سه‌ر ئه‌م بنه‌مایه به‌ده‌سهێنا، پێشه‌نگایه‌تی پارتی، راستی گه‌ریلا و خۆپاراستن، سیستمی نه‌ته‌وه‌ی دیموكراتیك و ژیانی ئازادمان له‌سه‌ر ئه‌و بنه‌مایه گه‌شتر كرد، له‌سه‌ره‌تادا شۆڕشی ژیانه‌وه‌ی نه‌ته‌وه‌یی و شۆڕشی ئازادی ژنان ئێمه هه‌موو جۆره گه‌شه‌سه‌ندنێكی شۆڕشگێڕیمان له‌سه‌ر ئه‌و بنه‌مایه ئافراند. له هه‌موو شوێنێك ئێمه خۆمان له‌سه‌ر ئه‌و بنه‌مایه رێكخست، یه‌كمان گرت و شه‌ڕمان كرد. له‌به‌رامبه‌ر سیستمی جیهانی سه‌رمایه‌داریی كه كوردان به نه‌بوو داده‌نێت و ده‌یه‌وێت هه‌بوونی كوردان له‌ناو ببات، له‌به‌رامبه‌ر بیركردنه‌وه و سیاسه‌تی پاكتاوكه‌ر و داگیركه‌ر، له‌به‌رامبه‌ر هه‌موو جۆره لاوازی، نۆكه‌ری و خیانه‌ت ئێمه له‌سه‌ر ئه‌و بنه‌مایه تێكۆشانمان به‌ڕێوه‌برد. له هه‌موو كات و له هه‌موو شوێنێك سوپای شه‌هیدان فه‌رمانیان پێكردین، رێگای راستیان نیشان این و هێزیان به ئێمه به‌خشی. ئێمه هه‌موو شتێكمان له سایه‌ی شه‌هیدانی قاره‌مانمان به‌ده‌ستهێنا، پاراستمان و گه‌شه‌مان پێدا.
ئێمه هه‌موو هه‌نگاوێكی مێژووی پارتی و تێكۆشانمان به هێزی شه‌هیدانی قاره‌مان هه‌ڵگرت. ئێمه هه‌موو دژوارییه‌كمان به هێزی شه‌هیدان له‌ناوبرد و هه‌موو ئاسته‌نگه‌كانمان به هێزی شه‌هیدان له‌به‌رده‌م خۆمان لابرد. دروست تێگه‌یشتن له راستی شه‌هیدان و خاوه‌نداریی لێیان هه‌موو كات رووی ئێمه‌ی كرده پراكتیكی كارا و ئه‌وانه وه‌ك ئاڵقه‌ی زنجیر، گه‌شه‌سه‌ندنه‌كانی ئێستایان ئافراند. له‌سه‌ر یاد و بیرهێنانه‌وه‌ی هه‌ڤاڵ هه‌قی قه‌رار ئێمه به پارتیبوون و به‌رخودانی چه‌كداریمان ده‌ستپێكرد. له یه‌كه‌م ساڵیادی شه‌هیدبوونی ئه‌ودا هه‌ڤاڵ خه‌لیل چاڤگون شه‌هیدبوو. ئه‌و تێكۆشانه‌ی بۆ یادی هه‌ڤاڵ خه‌لیل چاڤگون به‌ڕێوه‌چوو، به‌رخودانی سه‌ركه‌وتووی حلوانی هێنایه ئاراوه. به به‌رخودانی گه‌وره‌ی زیندانه‌كان له ساڵی ١٩٨٢دا، به سایه‌ی تێكۆشانی مه‌زڵوم دۆغان، به تێكۆشانی چوار هه‌ڤاڵ كه فه‌رهاد كورتای پێشه‌نگی ئه‌وان بوو و له سایه‌ی شه‌هیدبوونی خۆڕاگرانی مه‌زنی رۆژووی مردنی ١٤ی ته‌موز، رژێمی فاشیستی سه‌ربازی ١٢ی ئه‌یلول له رووی ئایدۆلۆژییه‌وه تێكچووه. خه‌باتی ده‌ره‌وه‌ی وڵاتیش له ساڵانی ١٩٨٠ و ١٩٨٢ به عه‌بدولقادر چوبوكچو ده‌ستیپێكرد و دواتریش به به‌خشینی زۆر شه‌هید گه‌یه‌نرایه سه‌ركه‌وتن. هه‌ڵمه‌تی گه‌ریلاكانی شۆڕشگێڕی ١٥ی ئاب له‌سه‌ر هێڵی شه‌هیدان، له‌سه‌ر هێڵی محه‌مه‌د قه‌ره‌سونگور، عه‌گید، بێریتان و زیلان گه‌یه‌نرایه سه‌ركه‌وتن. له‌به‌رامبه‌ر پیلانگێڕی نێونه‌ته‌وه‌ییش تێكۆشانی ٢٤ ساڵه له‌سه‌ر هێڵی شه‌هیدان، به به‌رخودێری گیانبازی ‘ئێوه ناتوانن رۆژی ئێمه تاریك بكه‌ن‘ كه هه‌ڤاڵ خالید ئۆران و ئاینور ئارتان ده‌ستیان پێكردبوو، به‌ڕێوه‌چوو و ئه‌و تێكۆشانه گه‌یشته سه‌ركه‌وتن.
له‌به‌رامبه‌ر خیانه‌تی نۆكه‌ری كه برینی مێژوویی كوردانه، هه‌ڵوێستی راست و تێكۆشانی سه‌ركه‌وتووش ئێمه به هێزی شه‌هیدانی قاره‌مانمان هێنامانه ئاراوه. لێره‌دا به تایبه‌تی كۆمه‌ڵكوژی هه‌ولێر له ١٦ی گوڵانی ١٩٩٧دا جێیه‌كی تایبه‌ت و دیاری هه‌یه. ئه‌مڕۆ پێده‌نێینه ٢٥ هه‌مین ساڵیادی ئه‌و كۆمه‌ڵكوژییه. وه‌ك ئه‌وه به سه‌دان پیلانگێڕی، ئاژاوه‌گێڕی و كۆمه‌ڵكوژی هه‌ن. ئه‌مڕۆش نمونه‌ی ئه‌و شته خراپه له‌ئارادایه و به روانین له‌وانه مرۆڤ ده‌توانێت ببینێت كه راستی په‌ده‌كه چییه. به‌م بۆنه‌یه‌وه ئێمه ده‌یان شه‌هیدی كۆمه‌ڵكوژی هه‌ولێر له كه‌سایه‌تی هه‌ڤاڵ ساڵح، هێلین و ئۆزان به رێز و پێزانینه‌وه یاد ده‌كه‌ینه‌وه.
گەریلای نوێ لە فیدایبوون و بەرخۆداندا گەیشتووەتە ئاستێکی بەرز
وەک بزووتنەوە و خەڵک ئەمڕۆ وەک ٤٥ ساڵ، لە ڕیزی شەهیداندا دەژین و تێدەکۆشین، ئەم ئایارە بە پێشەنگایەتیی بەرخۆدانی زاپ و ئاڤاشین لە چوار پارچەی کوردستان و لە تورکیا و دەرەوەی وڵات تێکۆشانێکی بێوێنە لە دژی فاشیزمی ئاکەپە - مەهەپە دەکەین. ئێمە هەڵمەتی خۆمان بە ناوی 'کات کاتی بۆ ئازادییە'، کە ئازادیی جەستەیی ڕێبەر ئاپۆی کردووەتە ئامانج، لە ٥٠هەمین ساڵ دا بە سەرکەوتن دەگەیەنین. گەریلا قارەمانەکانمان هەموو ڕۆژێک گورزی کاریگەری تێکشکێنەر لە چەتە فاشیستەکانی ئاکەپە – مەهەپە دەدەن و ڕژێمی فاشیستیی ئاکەپە - مەهەپە لە زاپ و ئاڤاشین دەکەن بە ژێر گڵەوە.
ئەو گەریلا نوێیە، کە لەسەر هێڵی مۆدێرنیتەی دیموکراتیک پەرەی سەندووە و پێشکەوتووە، هەموو ڕۆژێک داستانی قارەمانانە بە بەرخۆدان و فیداکاری تۆمار دەکات. بەم بۆنەیەوە سڵاو لە بەرخۆدانی گەریلاکان و گەلەکەمان بە پێشەنگایەتیی بەرخۆدانی زاپ و ئاڤاشین دەکەین و هیوای سەرکەوتنی گەورەتریان بۆ دەخوازین. لە کەسایەتی هەڤاڵان ئایسەل دۆغان و مزگین ڕۆناهی دا ئێمە بە ڕێز و سوپاسەوە یادی شەهیدانی قارەمانی ئەم بەرخۆدانە پیرۆزە دەکەینەوە.
بۆ بزووتنەوەی شۆڕشگێڕی تورکیاش مانگی شەهیدانە
١٨ی ئایار، ٤٩هەمین ساڵیادی کوشتنی ئیبراهیم کەیپاکایا یەکێک لە سەرکردەکانی بزووتنەوەی شۆڕشگێڕی تورکیایە، کە لە ساڵی ١٩٧٣دا لە شاری ئامەد ڕوویدا. لە سێدارەدانی پێشەنگانی شۆڕشگێڕ دەنیز گەزمیش، یوسف ئاسڵان و حسێن ئینان لە دژی کودەتای فاشیستی - سەربازییەکەی ١٢ی ئاداری ١٩٧١ لە ٦ی ئایاری ١٩٧٢دا بەرەنگارییان کرد و شەهید بوون و ٥٠هەمین ساڵی خۆی تەواو کرد. دیسانەوە کوشتنی ماهیر چەیان و هاوەڵەکانی لە ٣٠ی ئازاری ١٩٧٢ و کوشتنی سینان جەمگیل و هەڤاڵەکانی لە نورهەق لە ٣١ی ئایاری ١٩٧٢ پەنجا ساڵی خۆی تەواو دەکات، بۆیە مانگی ئایاریش مانگی شەهیدانە بۆ بزووتنەوەی شۆڕشگێڕی تورکیا. ماوەی ٥٠ ساڵە خەڵکی تورکیا و کوردستان لەسەر ڕێگای ئەم سەرکردە شۆڕشگێڕانە خەبات بۆ ئازادی و دێموکراسی دەکەن.
بۆ ئازادیی کوردستان و تورکیای دیموکراتیک قارەمانانە دەجەنگن و شەهیدی نوێ دەبەخشن. ئەمڕۆ ئەم تێکۆشانە مێژووییە لە لایەن هەبەدەهەوە ئەنجام دەدرێت و هەوڵ دەدات سەرکەوتن بەدەست بهێنێت. بەم بۆنەیەوە یادی شەهیدانی قارەمانی ئەم تێکۆشانە ٥٠ ساڵەیە دەکەینەوە و یادی هەموو شەهیدە قارەمانەکانمان، کە بە پێشەنگایەتیی ماهیر چایان و دەنیز گەزمیش و ئیبراهیم کایپاکایا دەستیان پێکرد و هەتا ئوڵاش بایراقدارئۆغڵو و زاپ - ئاڤاشین بە ڕێز و سوپاسەوە دەکەینەوە. داوا لە گەنجان و گەلانی زەحمەتکێشی تورکیا دەکەین، کە بە توندی و بە بەهێزی پشتگیریی ئەو شەهیدانە بکەن و لە دژی فاشیزمی ئاکەپە – مەهەپە، بۆ تورکیای دیموکراتیک و کوردستانی ئازاد تێبکۆشن.
ئەو شۆڕشەی لە دژی فاشیزم بەرەنگاری نەکات شۆڕشێکی درۆیە
ئاشکرایە کەسایەتیی حەقی قەرار دروستترین و ئاشکراترین نموونەی شۆڕشگێڕی و سۆسیالیستی و دیموکراتیزەکردنی تورکیایە. بە ئاشکرا ئەوە دەردەخات، کە ئەو ڕاستییانە لە تورکیا پێویستی بە تێکۆشان لە دژی عەقڵییەت و سیستمی فاشیستی هەیە. ئەوەش بە ڕوونی دەریدەخات، کە لە تورکیا خاوەنداریکردن لەو ناونیشانانە پێویستی بە برایەتییە لەگەڵ گەلی کورد و تێکۆشانی ئازادیی کوردستان. ئەو هێزانەی لە دژی فاشیزمی ئاکەپە - مەهەپە نەجەنگن و و بەرەنگاری نەکەن ئەوە دژە – فاشیزم بوونیان و شۆڕشگێڕ – دیموکراتیکبوونیشیان درۆیە. لەم دۆخەدا پێویستە هەموو هێزە دژە فاشیست و شۆڕشگێڕ و دیموکراتەکان و کرێکاران و ژنان و گەنجانی تورکیا ئەو ڕاستییە لە بەرچاو بگرن و بەو پێیە هەڵسوکەوت بکەن.
دیسان ڕاستیی حەقی قەرار پێوەری مرۆڤایەتیی ئازاد و وڵاتپارێزی و شۆڕشگێڕێکی ڕاستەقینەی کوردستان بە ڕوونی دەردەخات. جگە لەوە هیچ پێوەرێکی شۆڕشگێڕی و نیشتمانپەروەری نییە. لە کوردستاندا لە دژی عەقڵییەتی زاڵ و سیاسەتی پیاو، فاشیست، داگیرکەر و پاکتاوکار خەباتێکی کارا نییە، ئەستەمە لە کوردستاندا بەبێ ئەو پێوەرانە کەسێک بتواێت ببێت بە شۆڕشگێڕ و نیشتمانپەروەر. هەتا ئەو جۆرە تێکۆشانە لەگەڵ تێکۆشانی دیموکراتیکی گەلانی تورکیا و رۆژهەڵاتی ناوەڕاست و جیهان یەکنەکەوێت، بە دڵنیاییەوە سەرناکەوێت، بۆیە لە ڕۆژی نوێی ١٨ی ئایاردا دەبێت باش لەم ڕاستییە تێبگەین و جێبەجێی بکەین.
ئێمە داوای تێگەیشتنی ڕاستەقینە لە ڕاستیی شەهیدان دەکەین
ئاشکرایە ژیانی ڕاست خودی شەهیدانن، بۆیە دەبێت هەموو ڕۆژێک لە مانگی شەهیداندا لەگەڵ ئەم ڕاستییە خۆمان یەکبخەین. دەبێت لە هێڵی ڕێبەرایەتی و شەهیداندا ڕەخنە و ڕەخنە لە خۆگرتن نوێ بکەینەوە و تێکۆشانێکی سەرکەوتووتر و ڕاستەقینەتر لە دژی فاشیزمی ئاکەپە - مەهەپە بەرپا بکەین. پێویستە سەردانی گۆڕستانەکان بکەین و بۆ شەهیدان یادکردنەوە و کۆبوونەوە و گفتوگۆ ئەنجام بدەین، وانەی دەوڵەمەند لە پراکتیکی شەهیدان وەربگرین و تێکۆشانێکی گەورە بۆ بەدیهێنانی ئامانجەکانی شەهیدان پەرە پێبدەین. پێویستە گۆشەگیریی ئیمرالی بشکێنین، بە بەربڵاوکردن شەڕی گەلی شۆڕشگێڕی لە دژی هێرشەکانی فاشیزمی ئاکەپە لە سەرانسەری کوردستان و تورکیا، بە پێشخستنی شێوازە دەوڵەمەندەکانی نوێی خەبات، کوردستان ئازاد دەکەین و تورکیا و رۆژهەڵاتی ناوەڕاست دیموکراتیزە دەکەین.
لەو چوارچێوەیەدا، لە ساڵیادی شەهیدبوونی حەقی قەرار و ئیبراهیم کایپاکایا، جارێکی دیکە یادی هەموو شەهیدانی قارەمانی تێکۆشانی مەزنی ٥٠ ساڵە، کە بە بەرخۆدانی قزلدەرە دەستیپێکرد و تاوەکو زاپ - ئاڤاشین بەردەوام بوو دەکەینەوە، داوا لە هەموو هەڤاڵانمان، گەلەکەمان و دۆستانمان، هێزە شۆڕشگێڕە دیموکراتییەکانی تورکیا دەکەین، کە لە راستیی شەهیدان تێبگەن و ڕاستییەکەیان قبوڵ بکەن و کاری لەسەر بکەن و جێبەجێی بکەن. و لەسەر ئەم بنەمایەش ڕووخاندنی فاشیزمی ئاکەپە - مەهەپە لە هەموو گۆڕەپانەکان و لە هەموو بوارەکاندا بە تێکۆشان بەهێز بکەین"!.
هـ.ب / ژ.ت
