بەپێی زانیارییەکان، بنکەى سەربازیی سوپای تورک لە گوندی زێوێ دەستیکردووە بە دەستڕێژی گولـلە و بۆردومانکردنی دارستانەکانی ناوچەى باسان و بەو هۆیەوە ئاگر بەربووەتەوە دارستانەکانی چیای گابار.

سەربازانی تورک هەر چۆن ماوەیەک لەوە پێش رێگایان نەدا هاووڵاتییان و ژینگەپارێزان ئاگرەکەى چیای گابار بکوژێننەوە، ئێستاش رێگری لە هاووڵاتییان دەکەن و رێگایان پێنادەن بڕۆن ئاگرەکە بکوژێننەوە.

هاوکات لە ٣ شوێنێ چیای جودی بەرامبەر بە ناوەندی شرنەخ ئاگری دارستانەکان بەردەوامە و دەوڵەتی تورک رێگری لە کوژاندنەوەى ئەو ئاگرانەش دەکات.

ژ.ت