کۆمەڵەی مافی مرۆڤی کوردستان بڵاویکردەوە، رۆژی هەینی ٣١ی ئایار هێزەکانی پاسەوانی سنووری دەوڵەتی ئێران تەقەیان لە کۆڵبەرێک بە ناوی رەحیم ئیبراهیمی کردووە و دواتر تەرمەکەیان خستووەتە ناو رووبارێکەوە.

خەڵکی ناوچەکە دوای ٢٤ کاتژمێر گەڕان بە دوای تەرمەکەدا توانیویانە تەرمی ئەو کۆڵبەرە بدۆزنەوە.

رەحیم ئیبراهیمی خەڵکی گوندی وڵیووی سەردەشتە و باوکی سێ منداڵ بووە.

لە سەرەتای ئەمساڵەوە لانیکەم ٣٧ کۆڵبەر و کاسبکاری کورد لەناوچە سنوورییەکانی رۆژهەڵاتی کوردستان گیانیان لەدەستداوە، کە زۆرینەیان بە تەقەی هێزەکانی دەوڵەتی ئێران کراونەتە ئامانج.

تەنیا لە مانگی رابردوودا ١٠ حاڵەتی کوژرانی کۆڵبەران و کاسبکاران تۆمار کراوە، کە سەرجەمیان لە لایەن هێزە سەربازییەکانی دەوڵەتی ئێرانەوە تەقەیان لێکراوە.

هـ . ب