هاوڵاتیانی ڕۆژهەڵاتی کوردستان لە شاری سلێمانی بۆ شەرمەزارکردنی پیلانگێڕیی نێونەتەوەیی ١٥ی شوبات کۆبوونەوە و لە دژی پیلانگێڕییەکە داوای بەشداربوونیان لە هەڵمەتی 'کات کاتی ئازادییە' کرد.
هاوڵاتیانی ڕۆژهەڵاتیی دانیشتووی باشوری کوردستان لە شاری سلێمانی کۆبوونەوە و لە ڕاگەیەندراوێکدا پیلانگێڕیی نێونەتەوەیی دژ بە ڕێبەری گەلی کورد عەبدوڵا ئۆجالانیان شەرمەزارکرد.
لە ڕاگەیەندراوەکەدا هاتووە، پیلانگێڕیی ١٥ی شوبات لە دژی تێکۆشانی گەلی کورد بووە و بە بەشداریی زۆرێک لە وڵاتانی جیهانەوە ئەنجام دراوە.
داوایان لە گەلی کورد و بەتایبەتی لە ڕۆژهەڵاتی کوردستان کرد، کە بە بەشداری لە هەڵمەتی 'کات کاتی ئازادییە' بکەن و بەوە وەڵامی پیلانگێڕیی نێونەتەوەیی بدەنەوە.
ژ.ت
