ئاوات حیسامەدین نوێنەری زەردەشتییەکان لە حکومەتی هەرێمی کوردستان دەربارەی  کەمپینی دەرهێنانی ناوی پەکەکە لە لیستی تیرۆر بۆ ئاژانشی هەواڵی فورات(ANF) قسەی کرد و ڕایگەیاند: "بە هێچ شێوەیەک پەکەکە تیرۆر نییە و  تیرۆر نەبووە".

ئەو نوێنەرەی زەردەشتییەکان لە حکومەتی هەرێم ڕایگەیاند: "مرۆڤی کورد لە سەر بیری چاک، وتەی چاک و کرداری چاک پەروردە بووە، هەر مرۆڤێکیش بەم شێوەیە پەروردە بووبێت بە هێچ شێوەیەک چاوی لە خاکی هیچ کەس نییە، بگرە ئێمە هەمیشە خۆمان پاراستوە و هێرشمان نە کردووەتە سەر هیچ لایەک."

ئاوات حیسامەدین وتیشی: "گەلی کورد گەلێکی ئازادیخوازە و دۆستی ژینگە، دۆستی ژیان و هەموو جوانییەکە، بەڵام دەوڵەتی تورکیایی داگیرکەر بە بیانوی شەڕی پەکەکە پێنج هەزار گوندی کورددستانی ڕووخاندووە، زمانی کوردی و هەموو کولتورێکی کوردی قەدەغە کردوە. هەموو ئەوشتانەش بە بیانوی شەڕی پەکەکە دەکات، کە لە ڕاستیدا بیانوێکی بێ بنەمایە".

"پەکەکە هەرگیز تیرۆر نییە و تیرۆر نەبووە"

لە درێژی قسەکانی ئاوات حیسامەدین وتیشی: "لە ژێر گوشار و بەرژەوەندیی تورکیا وڵاتانی جیهان پەکەکە-یان خستووەتە لیستی تیرۆرەوە، بەڵام لە ڕاستیدا پەکەکە هەرگیز تیرۆر نییە و تیرۆر نەبووە، بۆیە نابێت  سەرۆک ئاپۆ، کە سەرۆکایەتیی ٦٠ ملێۆن کورد دەکات لە زیندان دا بێت".

"پشتیوانی لە کەمپینی دەرهێنانی پەکەکە لە لیستی تیرۆر دەکەین "

هاوکات پشتیوانیی زەردەشتییەکانی کوردستانیشی بۆ کەمپینی جیهانیی 'دادپەرەوەریی بۆ کورد' دەر بڕی، کە کەمپەینەکە داوا دەکات پەکەکە لە "لیستی تیرۆر" دەربهێنرێت و وتی: "ئێمە وەک زەردەشتییەکانی کوردستان بە هەموو شێوەیەک پشتیوانی لە کەمپینی دەرهێنانی ناوی پەکەکە لە 'لیستی تیرۆر' دەکەین، کار دەکەین بۆ ئازادیی چوار پارچەی کوردستان و سەرۆک ئۆجالان."

لە کۆتایی قسەکانیدا ئاوات حیسامەدین نوێنەری زەردەشتییەکان وتی: "پەکەکە مۆدێلێکی نوێی تێکۆشانی داهێناوە، کە ژنانیش وەک پیاوان چەک بەدەستن و داکۆکی لە خاک دەکەن، بەم شێوەیە ژنانی کورد ئێستا نوێنەرایەتیی ژنانی ئازادی جیهان دەکەن، بۆیە دەبێت ئێمە وەک ژنان شانازی بەوە بکەین و بەهەموو شێوەیەک کار بۆ ئەوە بکەین پەکەکە لە لیستی تیرۆر دەر بهێنرێت".

ژ.ت