ئاهەنگەکە بە خولەکێک بێدەنگی بۆ یادی شەهیدان دەستیپێکرد. پاشان پەیامی کۆمسیۆنی لیدزی سەر بە کۆمەڵگەی دیموکراتیکی کوردستانیان لە ئەوروپا _ باشور بەریتانیا، بە هاوبەشیی ناوەندی زاگرۆسی لیدز خوێندرایەوە، لە پەیامەکەدا ئیدانەی هێرشەکانی دەوڵەتی فاشیزمی تورک کرا بۆ سەر گەریلاکانی ئازادی کوردستان و رۆژئاوای کوردستان.

 هەروەها لە پەیامەکەدا پشتگیری لە شۆرشی "ژن، ژیان، ئازادی" لە رۆژهەڵاتی کوردستان و ئیران کرا و ئیدانەی سیاسەتەکانی  کۆماری ئیسلامیی ئیران بەرامبەر بو گەلان و خۆپیشاندەران کرا.

هەروەها حەمەی کاکە ‌‌عەبە بە نوێنەرایەتیی کەنەکە لە ئاهەنگی شەو یەلدا دا وتەیەکی پێشکەشکرد و بە گرینگییەوە یادی یەڵدای  هەڵسەنگاند.

لە بەردەوامی ئاهەنگەکەدا وێنەی سەر جەم شەهیدانی قەڵەم و چالاکوانان و شەهیدانی پێشەنگ، کە لە بآشوری کوردستان دا تیرۆر کراون، بەرزکرایەوە، ئامادەبوان لەگەڵ بەرزکردنەوەی وێنەکانیان دەستیان بە وتنەوەی سرودی شەهیدان کرد.

لەدرێژەی ئاهەنگی شەوی یەڵدا دا، ژمارەیەک شێعر و هۆنراوە پێشکەش کران و باس لە چیرۆکی راستەقینەی یەڵدا کرا و ئاهەنگەکە بە میوزیک و سرودی نیشتیمانی و خواردنی کوردەواری تا درەنگانی شەو بەردەوام بوو.

ئاهەنگەکە بە دروشمەکانی "ژن، ژیان، ئازادی" و "بژی بەرخۆدانی گەریلا" و "ئازادی بۆ رێبەر ئاپۆ" کۆتایپێهات.

ژ.ت