گروپی کۆلەکتیڤی هونەری ژنانی خۆبوون، کە لەلایەن ناوەندی لێکۆڵینەوەی ژنۆلۆژی دامەزراوە، بۆ ئەوەی هەنەرمەندانی ژن ئەزموون و ئیشی هونەری خۆیانی تیدا بڵاو بکەنەوە و بە ڕوانگەیەکی هونەری ژنانە ناسنامەی ژن پێناسە بکەن. وەک یەکەم کاری خۆی لە ژێر ناونیشانی (خۆبوون) پێشانگایەکی بۆ هونەر و ئەزموونی ٧ ژنە هونەرمەند بە ناوەکانی ساکار، زەهرا، رۆژگار، سارا، ژولیا، هاژە و نیگا کردەوە.

پێشانگاکە لە گەلەری کەریم چاوشین لە سلێمانی  ١٢ ئەم مانگە دەستی پێکردووە و بڕیارە تا ١٨ مانگ درێژەی هەبێت. لە پێشنگاکەدا هونەری ژنان بە مەتریاڵ و مادەی جیاواز نمایش کراوە، کە سەرنجی هونەرمەندان و هاوڵاتیانی شاری سلێمانی ڕاکیشاوە. بە بەردەوامی هاوڵاتیان سەردانی پێشانگاکە دەکەن و گفتووگۆ لەسەر بەرهەمی ژنان دەکەن.

هەر لە چوارچێوەی پرۆژە هونەریەکەدا ئەمرۆ ژمارێکی بەرچاو لە مامۆستایانی کۆلیژی هونەرە جوانەکانی سلێمانی و خوێندکاران سەردانی پێشنەگاکەیان کرد و گفتوگۆیان لەسەر ئەو پرۆژیە کرد، وێڕای تێروانین و ڕەخنە هونەریەکانیان، ئەزموونی کاری هونەریی ژنانیان بەرز نرخاند و جەختیان لەسەر ئەوە کردەوە، کە ئەو مەتریاڵانەی لە پێشانگاکەدا بەکار هاتوون جێگای سەرنجن و ئەرێنین،  چونکە لە کوردستاندا جاری یەکەمە ئەو جۆرە ماتریاڵانە بەکار دێن لە پرۆژەی هونەریدا.

ژ.ت