کوتلەی (بناء) داوا لە پەرلەمانی عێڕاق دەکات لێپرسینەوە یاسایی لەگەڵ سەرۆک کۆمار ئەنجام بدات بەهۆی ئەوەی سەرۆک کۆمار سوێندی خواردوە بەڵام دەستوری پێشێلکردووە، خۆپێشاندەرانێش پشتیوانی لێدەکەن.
د.بەرهەم ساڵەح سەرۆک کۆماری عێڕاق لە چەند ڕۆژی ڕابردوودا و بەهۆی فشارەوە بۆ دەسنیشانکردنی سەرۆک وەزیران بۆ عێڕاق، نامەی دەست لەکارکێشانەوەی پێشکەش پەرلەمانی عێڕاق کرد.
لەم نێوەندەدا کوتلەی (بیناء) کە بە ڕابەرایەتی نوری مالکی و هادی ئەلعامری بەڕێوە دەچێت ڕازی نەبوون بەو هەڵوێستەی سەرۆک کۆمار و داوای لێپرسینەوەی یاساییان کرد لەبەر ئەوەی سەرۆک کۆمار سوێندی خواردوە بەڵام دەستوری پێشێلکردووە.
هەروەها کوتلەی (بیناء) کە نزیکی ئێرانن باسی لەوەش کرد ئەم هەنگاوە خزمەت بە یەکڕیزی عێڕاق ناکات و لە ئێستادا خزمەت بە لایەنە بیانیەکان دەکات، لە هەمان کاتدا عێراق بەرەو گێرەشێوێنی دەبات.
لە لایەکی دیکەوە پەرلەمانتارانی عێراق داواکەی سەرۆک کۆمار ڕەت دەکەنەوە و زۆرینەیان لەگەڵ ئەوەدان کە بڕیارێکی دروست نییە و سەرۆک کۆمار لە ژێر فشاردا بڕیارێکی لەو شێوەیەی داوە.
ئەم هەڵوێستەی سەرۆک کۆماری عێراق تووڕەیی حکومەت و پەرلەمانلێکەوتەوە، بەڵام لە لایەن گەلی عێراق و بە تایبەتی خۆپیشاندەرانەوە پێشوازیەکی باشی لێکراو و لە زۆر شوێندا وەک پارێزەری خۆپیشاندەران ناوی هێنرا.
