شەش ژنی داعش کە هەوڵی هەڵهاتنیان دەدا، دەستگیرکران
هێزە ناوخۆییەکانی ڕۆژئاوای کوردستان شەش ژنیان دەستگیرکرد کە هەوڵیاندەدا لە گەڵ منداڵەکانیان لە کەمپی هۆڵ هەڵبێن.
هێزە ناوخۆییەکانی ڕۆژئاوای کوردستان شەش ژنیان دەستگیرکرد کە هەوڵیاندەدا لە گەڵ منداڵەکانیان لە کەمپی هۆڵ هەڵبێن.
ئەمڕۆ گروپێک لە ژنانی داعش کە ٦ ژن و ٩ منداڵ بوون لە کاتێکدا کە هەوڵیاندەدا لە کەمپی هۆڵ هەڵبێن دەستگیرکران. ئەو ژنانە خەڵکی ڕووسیا، تورکیا، داغستان، چەچەنستان و جۆرجیان و هەوڵیاندەدا خۆیان بگەیەننە هەرێمەکانی ژێر داگیرکاری تورکیا لە باکووری سوریا.
هەوڵی ئەو ژنانە شکستی هێنا و هەمووان لە لایەن هێزەکانی ناوخۆی هەرێمەکەوە دەستگیرکران.
کەمپی هۆل دەکەوێتە ٤٥ کیلۆمەتری ڕۆژئاوای حەسەکە و مەترسیدارترین ئەندامانی داعشی تێدایە. ٧١ هەزار ئاوارە لە کەمپەکەدا دەژین کە ٤٠ هەزاریان تیرۆرستی داعش و خانەوادەکانیانن.
ف.ق