لە عەفرین ٦ چەتەی سوپای تورکیا کوژران
شەڕڤانانی یەپەگە لە کانتۆنی عەفرین دوو چالاکییان لەدژی چەتەکانی سەر بە تورکیا ئەنجامدا، لەو چالاکییانەدا شەش چەتە کوژران.
شەڕڤانانی یەپەگە لە کانتۆنی عەفرین دوو چالاکییان لەدژی چەتەکانی سەر بە تورکیا ئەنجامدا، لەو چالاکییانەدا شەش چەتە کوژران.
ئەمڕۆ، ناوەندی ڕاگەیاندنی یەکینەکانی پاراستنی گەل-یەپەگە، لەبارەی چالاکیی شەڕڤانان لە عەفرین ڕاگەیەندراوێکی بڵاوکردەوە و وردەکارییەکانی ئەو چالاکییانەی خستەڕوو.
لە ڕاگەیەنراوی یەپەگەدا هاتووە: لە دووەمین قۆناغی بەرخۆدانی سەردەمدا، شەڕڤانەکانانمان بەردەوامن لە چالاکییەکانیان لەدژی چەتەکان، ڕۆژی ٢٤ی حوزەیران /٣ی پووشپەڕدا لە سەر رێگای گوندی دێوا بۆ تەل سلۆری سەر بە جندرێس چالاکییەک لەدژی چەتەکانی فەیلەقی شام ئەنجامدرا، لەو چالاکییەدا چەتەیەک کوژران.
لە بەردەوامیدا یەپەگە ڕایگەیاندوە: ڕۆژی ٢٥ی حوزەیران /٤ی پووشپەڕ لە گوندی ئامارای سەر بە ماباتای عەفرین، چالاکییەکی دیکە لەدژی چەتەکانی فەیلەقی شام ئەنجامدرا، لەو چالاکییەشدا پێنج چەتە کوژران و ئۆتۆمبێلێکی سەربازیی چەتەکانیش تێکشکێندرا.
لەکۆتاییدا یەپەگە ڕایگەیاندووە، کە لە سەرەتای بەرخۆدانی سەردەمەوە بۆ ئێستا دوو هەزار و ٤٩١ چەتەی داگیرکەر کوژراون.
ک-ش