هێزەکانی ڕزگاری عەفرین (هەرەئە – HRE) ڕاگەیەنراوێکی بڵاوکردوە کە بەم شێوەیەیە:

"لە عەفرین و دەوروبەری چالاکی و ئۆپەراسیۆنەکانی هێزەکانمان لەدژی سوپای داگیرکەر و چەتەکانی بێوەستان بەردەوامە. هێزەکانمان لەدژی داگیرکەران دوو چالاکیان ئەنجامدا.

هێزەکانمان لە ١١ی کانونی یەکەمدا لە دەورەبەری گوندی بوسافانی ناوچەی شێراوا چالاکیەکی کاریگەریان لەدژی بارەگایەکی سەربازی سوپای داگیرکەری تورک ئەنجامدا. لە چالاکیەکەدا ٢ سەربازی داگیرکەر کوژران و ٥ سەربازیش بریندار بوون. هەمان کات هێزەکانمان لە نزیک گوندی مەریەمینی ناوچەی شەرا لە دژی بارەگایەکی تورکی داگیرکەر چالاکیەکیان ئەنجامدا و زیانی دوژمن نەزانرا.

سوپای تورک و چەتەکانی لە هەمان کاتدا بە ئۆبوس گوندەکانی باشەمرێ و سوخانەک، تینیب، شەوارخا و مەرەنازیان بوردومان کرد. هەروەها گوندی شەوارخاش بە درون بوردومان کرا. بوردومانەکە زیانی بۆ خەڵکی هەرێمەکە هەبوو."

ف.ق