چه‌ته‌كان له جندرێس ٢ كه‌سیان رفاند
چه‌ته‌كانی پۆلیسی سه‌ربازی سه‌ر به داگیركه‌ری تورك له ناوچه‌ی جندرێسی كانتۆنی عه‌فرین دوو كه‌سیان رفاند.
ده‌وڵه‌تی توركی داگیركه‌ر و چه‌ته‌كانی تاوانی شه‌ڕ له دژی دانیشتووانی ره‌سه‌نی عه‌فرینی داگیركراو درێژه پێده‌ده‌ن.
سه‌رچاوه‌كان له ناوچه‌ی جندرێسه‌وه رایانگه‌یاند، كه چه‌ته‌كانی به‌ناو پۆلیسی سه‌ربازی ٢ كه‌سیان له گوندی تل سلۆری سه‌ر به ناوچه‌كه رفاندووه.
به‌پێی سه‌رچاوه‌كان به‌حری سه‌لیم (ته‌مه‌ن ٢٨ ساڵ) و فه‌وزی محه‌مه‌د عه‌لی (ته‌مه‌ن ٢٧ ساڵ) رفێنراون و چاره‌نووسیان نازانرێت.
