ئەنجومونی سوریای دیموکراتیک (مەسەدە) بە ئەنجامنامەیەک کۆتایی بە چوارەم کۆنگرەی خۆی هێنا. هاوسەرۆکی هەڵبژێردراو محەمەد ئەل موسەلەت ئەنجامنامەکەی خوێندەوە.

لە ئەنجامنامەکەدا هاتووە کە  هەوڵەکان لەپێناو سازکردنی دیالۆگی سوری-سوری بخرێنەگەڕ، لە تەنیشت ئەوەشەوە پەیوەندی لەگەڵ دەوڵەتان و ئەو لایەنانەی لە قەیرانی سوریادا کاریگەریان هەیە بەردەوام بێت.

هەروەها لە ئەنجامنامەکەدا هاتووە کە سوریا مافی وەرگرتنەوە سەروەری خۆی لە تەواوی سوریادا هەیە و ئەو مافەشی هەیە کە سەرجەم پلانەکانی گۆڕینی دیموگرافیا، کۆچبەرکردنی دانیشتوانی رەسەن، رەتبکاتەوە.

لە کۆتایی راگەیەندراوەکەدا هاتووە کە کار بۆ باشتر کردنی دۆخی ئاوارەکانی سوریا لە کەمپەکاندا بکرێت و ئاشکرا کرا کە هەموو سوریەک مافی ئەوەی هەیە رێککەوتنی کولتوری لەگەڵ هەر لایەنێک ئەنجام بدات.

هـ . ب