لە زرگان، تلتەمەر و شاری حەسەکەوە جەماوەری گەل لە بەردەم گۆڕەپانی سینالکۆی حەسەکە کۆبوونەوە و لە دژی گۆشەگیری سەر رێبەری گەلی کورد عەبدوڵا ئۆجالان رێپێوانیان کرد.

چالاکوانان بە دروشمی 'بێ سەرۆک ژیان نابێت'. ' نابۆ گۆشەگیری'، 'ئازادی جەستەیی بۆ رێبەر ئاپۆ' تا پارکی رێبەر ئاپۆ لە شاری حەسەکە رێپێوانیان کرد.

دوای رێپێوانەکە یەک خولەک بە بێدەنگی رێز لە یادی شەهیدان گیرا و دواتر ئەندامی کۆردیناسیۆنی کۆنگرەی ستار شیراز حەمۆ و ئەندامی ئەنجومەنی پەیەدە عەبدول خەنی ئۆسۆ قسەیان کرد.

لە لێدوانەکەدا ئاماژە بە پرۆژەی نەتەوەی دیموکراتیک درا و ئەوە خرایەڕوو کە لە رێگەی ئەو پرۆژەیەوە هەموو پێکهاتەکانی هەرێمەکە لە ناو ئاشتی و ئارامیدا پێکەوە دەژین.

راگەیەندرا کە پێکەوەژیانی ئارامی هەموو پێکهاتەکان لە سایەی ئەندێشە و فەلسەفەی رێبەری گەلی کورد عەبدوڵا ئۆجالان دەستەبەر بووە.

هـ . ب