لەناوچەی شێرانی کۆبانێ بەمەبەستی ئیدانەکردنی گۆشەگیری سەر رێبەری گەلی کورد عەبدوڵا ئۆجالان و  لە هەمان کاتدا لەپێناو ئازادی جەستەیی رێبەری گەلی کورد رێپێوانێک سازکرا.

رێپێوان لەبەردەم ئەنجومەنی شێرانەوە دەستپێکرد و تا ناوەندی کۆنگرەی ستار لە ناوەڕاستی شارەکە بەردەوامبوو. لە رێپێوانەکەدا بێ پسانەوە دروشمەکانی 'بێ سەرۆک ژیان نابێ' و 'ئازادی بۆ رێبەر ئاپۆ' وترانەوە.

لە رێپێوانەکەدا وێنەکانی رێبەری گەلی کورد عەبدوڵا ئۆجالان و پلاکاردەکان بە نوسراوی ' ئازادی بۆ رێبەر ئاپۆ و چارەسەری بۆ پرسی کورد' بەرزکرابوونەوە.

هاوسەرۆکی ئەنجومەنی بنەماڵەی شەهیدانی شێران بەدیعە محۆ وتەیەکی پێشکەش کرد و وتی، " دەوڵەتی تورک و هاوپەیمانەکانی و هەموو دەوڵەتانی دیکە لە رێگەی گۆشەگیرییەوە دەیانەوێت ئاڵۆزییەکان لە رۆژهەڵاتی ناوەڕاست زیاتر بکەن. بەڵام کلیلی چارەسەری لە ئیمراڵییە".

رێپێوانەکە بە وتنەوەی دروشم کۆتاییهات.

هـ. ب