فڕۆکەیەکی بێ فڕۆکەوانی سوپای داگیرکەری تورک سایلۆی گەنمی لەسەر ڕێگەی شارۆچکەی سیرینی باشووری کۆبانێی کانتۆنی فوراتی هەرێمی باکوور و ڕۆژهەڵاتی سوریا بۆردوومان کرد. لە ئەنجامی بۆردوومانەکەدا، ٣٠٠ تۆن گەم سووتا. 

هاوسەرۆکی کەمپەینی پێشکەوتن و کۆمەڵگەی کشتوکاڵی لە کانتۆنی فورات، گوڵستان شێخۆ ڕایگەیاند کە لە ئەنجامی بۆردوومانەکەدا ئاگرێکی مەزن کەوتووەتەوە، گوتی: "ژمارەیەکی زۆر لە گەنمی عەمبارکراو سووتاو و زیانی گیانی نەبووە. تیمەکانی ئاگرکوژێنەوە ئاگرەکەیان کوژاندەوە و ڕێگەیان لە بڵاوبوونەوەی گرت. ئەم هێرشە لە کاتێکدایە ئاڵۆزییە سەربازییەکان لە هەرێمەکە ڕوودەدات و ترسی خراپبوونی قەیرانی مرۆیی و خراپبوونی ڕەوشی ژیانی هاونیشتیمانیان زیاتر دەکات".