فیدراسیۆنی کەمئەندامانی باکوور و ڕۆژهەڵاتی سووریا بە ڕاگەیاندراوێک ناسنامەی هەردوو شەهیدی خۆی، فەرهاد کۆبانێ (مستەفا حوسۆ) کە لە ٨ی کانوونی یەکەم و جانۆ شەدادێ (باسل عەبدولرەحیم داود) کە لە ٢١ی کانوونی یەکەم لە هێرشەکانی دەوڵەتی تورک بۆسەر منبج و تل بەراک شەهید بوون، ئاشكرا کرد.

لە ڕاگەیاندراوەکەدا سەرنج خراوەتە سەر کار و خەباتی هەردوو شەهید لە خزمەتکردنی ئامانجەکانی شۆڕشی ڕۆژئاوا و دژوەستانەوەی هێرشە داگیرکارییەکانی دەوڵەتی تورک لەسەر هەرێمەکانی خۆبەڕێوەبەری.

لە بەردەوامی ڕاگەیاندراوەکەدا سەرەخۆشی لە بنەماڵەی شەهیدان کراوە و راگەیەندراوە: "‌هێزی بەرخۆدانمان لە شەهیدەکانمانەوە وەردەگرین. لەسەر ڕێچکەی شەهیدان شۆڕشی باکوور و ڕۆژهەڵاتی سووریامان دامەزراند. هەموو کاتێک پارێزەری دەستکەوتەکانی شۆڕش دەبین."

لە کۆتایی ڕاگەیاندراوەکەدا بەم شێوەیە ناسنامەی هەردوو شەهید هاتووە:

نا و پاشناو: مستەفا حوسۆ

ناسناو: فەرهاد کۆبانێ

ناوی دایک و باوک: وەحیدە- عەلی

کات و شوێنی شەهید بوون: ٨-١٢-٢٠٢٤/ منبج

***

ناسناو: جانۆ شەدادێ

ناو و پاشناو: باسل عەبدولرەحمان داود

ناوی دایک و باوک: ترفە- عەبدولرەحمان

کات و شوێنی شەهید بوون: ٢١-١٢-٢٠٢٤/ تل بەراک.