ڕاگەیاندراوەکە لەبەردەم بینای ڕێکخراوەکانی کۆمەڵگەی دیموکراتیک لە ناوچەی مەعاملی دەیرەزۆر لەلایەن هاوسەرۆکی یەکێتی بەڵێندەران زوبەیدە عەنتەر خوێنرایەوە، نوێنەری دامەزراوە مەدەنیەکان و ڕێکخراوەکانی کۆمەڵگەی مەدەنی و نوێنەری کۆمیتەکانی ژنان ئامادەبوون.

لە ڕاگەیاندراوەکەدا ئاماژە بەوە کراوە، هێرشەکانی ئەم دواییەی دەوڵەتی داگیرکەری تورک بۆ سەر هەرێمەکانی باکوور و ڕۆژهەڵاتی سوریا دەرخەری شکستی ئیدارەی ئەردۆگان و پاڵپشتیکردنی دەوڵەتی داگیرکەری تورکە بۆ تیرۆریستان.

لە ڕاگەیاندراوەکەدا ئاماژە بەوە کراوە، لە دیداری عەشیرەتەکان کە لە حەسەکە بەسترا، عەشیرەتەکان پشتیوانی خۆیان بۆ ئیدارەی خۆبەڕێوەبەری دووپاتکردۆتەوە و دەڵێت: "دەزانین ئیدارەی خۆبەڕێوەبەری بە دوژمن دەورەدراوە، ئەوەش بەهۆی پرۆژەی نەتەوەی دیموکراتیکەوە کە ڕێبەر عەبدوڵا ئۆجالان پێشنیاری کردووە، هەر ئەمەش وا دەکات لەدەوری ئیدارەی خۆبەڕێوەبەری کۆببینەوە و بە هەموو توانایەک پشتیوانی بکەین، هەروەها هەنگادەنێین بۆ ئەنجامدانی هەڵبژاردنی ئەنجوومەنی شارەوانییەکان".

لە کۆتایی ڕاگەیاندراوەکەدا بێدەنگی کۆمەڵگەی نێونەتەوەیی و ئەنجوومەنی ئاسایش شەرمەزارکراوە کە بە کڕوکپی دەڕوانێتە دڕندەیی ئەردۆگان، لەکاتێکدا ئەردۆگانی تاوانبار هەموو نۆرم و پەیمانە نێونەتەوەییەکانی پێشێل کردووە.