لە حەسەکە گۆشەگیری سەر ڕێبەری گەلی کورد عەبدوڵا ئۆجالان بە ڕێپێوانێک شەرمەزارکرا. ڕێپێوانەکە لە چوارڕیانی حەمام تا چوارڕیانی شەهید سەرحەد بەردەوام بوو. دانیشتووانی حەسەکە و ئەندامانی ڕێکخراوەکانی کۆمەڵگەی مەدەنی و دامەزراوەکانی ئیدارەی خۆبەڕێوەبەری، عەشیرەتە کورد و عەرەبەکان بەشداری ڕێپێوانەکە بوون. لە ڕێپێوانەکەدا ئاڵای ڕێبەری گەلی کورد عەبدوڵا ئۆجالان و درووشـمی "بژی سەرۆک ئاپۆ" بەرزکرایەوە.

لە چوارڕیانی شەهید سەرحەد، ئەندامی بەڕێوەبەری مەجلیسی ژنانی پارتی یەکێتی دیموکراتیک (پەیەدە) شیرین عوسۆ لەسەر ناوی کۆنگرەی ستار گوتی: "ئامانجی دەوڵەتی تورکی داگیرکەر و هاوکارەکانی لە ڕفاندنی ڕێبەرێتی ئەوە بوو، کە دۆزی گەلی کورد لەناوببرێت و فیکری ڕێبەرێتی لە گەلانی هەرێمەکە دووربخەنەوە".

شیرین عوسۆ بانگەوازی لە گەلانی هەرێمەکە کرد بۆ ئازادی جەستەیی ڕێبەری گەلی کورد عەبدوڵا ئۆجالان یەکێتی خۆیان بەهێز بکەن.

ڕێپێوانەکە بە درووشمی شەرمەزارکردنی گۆشەگیری و بەدیهێنانی ئازادی جەستەیی ڕێبەری گەلی کورد عەبدوڵا ئۆجالان کۆتایی هات.