گەریلای هەپەگە باران مەزڵوم بەناو(حەلیم مستەفا) کە لە ٥ی ئەیلولی ٢٠١٢ لە ناوچەی ئەلکێ شەهید بوو، لە باشووری ڕۆژهەڵاتی کۆبانێ لە گوندی خانکێ پرسە و سەرەخۆشی بەڕێوەچوو. سەدان کەس لە گوندەکانی کۆبانێ لەگەڵ نوێنەرانی ڕێوەبەری خۆسەری دیموکراتیکی کانتۆنی کۆبانێ سەردانی پرسەکەیان کرد و سەرەخۆشیان لە بنەماڵەی شەهید باران مەزڵوم کرد.

دوای خولەکێک بێدەنگی بۆ یادی شەهیدان، ئەندامی ئەنجومەنی گشتیی پارتی یەکێتی دیموکراتیک (پەیەدە) سالیح نوح قسەی کرد و وتی:"شەهیدان خاوەنی ئەو پرسەن کە گیانیان بۆ بەخت کرد هەتا ژیانێکی شکۆمەندانە بۆ خۆیان و گەلەکەیان دروست بکەن."

سالیح نوح ڕایگەیاند، باران مەزڵوم خۆنەویستانە تێکۆشانی کرد و بووە بە جەنگاوەرێکی ئازاد، هێرشەکانی فاشیزم بۆ سەر هەرێم ڕۆژانە بەردەوامە، دەیانەوێت بەو هێرشانە شکست بە ئیرادەی ئەو پرسە بهێنن. هەروەها دەیانەوێت ئێمە و ڕێبەرایەتیمان لەیەک داببڕن. بەڵام هێشتا شکست دەهێنن. ئەمە بەرهەمی ڕێبەر ئاپۆیە لە شاخ سەلمێندراوە و دوژمنیان سەرلێشێواو کردووە، ئێمە سەردەکەوین."

لە ڕێوەبەری کۆنگرە ستار لتفیە سلێمان لەناوچەی شێرانێ ڕایگەیاند،"دەبێت ئیتر خاوەنداری لە بزوتنەوەکەمان، ڕێبەرایەتیمان و گەریلاکانمان بکەین، بەم شێوەیە بزووتنەوەکەمان لە چوار دیواری زیندان دەستیان بە مانگرتن کردووە، ئێمە بە ڕۆحی بەرخۆدان سەردەکەوین، ڕێگامان پڕە لە بیرۆکە و ئازادی ڕێبەر ئاپۆ."

پرسەکە بە دروشمی "شەهیدان نامرن" و "بژی بەرخۆدانی گەریلا" کۆتایی هات.