هێرشەکانی دەوڵەتی تورک و چەتەکانی لە سێ قۆڵەوە بۆ سەر بەنداوی تشرین، تێک شکێندرا. لە ئەنجامی شەڕەکەدا ٣٧ چەتە کوژران و مەجلیسی سەربازیی مەنبەج و یەپەژە ئۆپەراسیۆنی کێوماڵکردنیان دژی چەتەکان دەست پێ کرد.
هێرشی چەتەکانی دەوڵەتی داگیرکەری تورک لە سێ قۆڵەوە بۆ سەر بەنداوی تشرین لە باشووری کۆبانێ، لەلایەن شەڕڤانانی مەجلیسی سەربازیی مەنبەج و یەکینەکانی پاراستنی ژن (یەپەژە)ـەوە تێک شکێندرا.
لە ئەنجامی بەرخۆدانی شەڕڤانانی مەجلیسی سەربازیی مەنبەج و یەپەژە لانی کەم ٣٧ چەتە کوژران و چەندین چەتە برینداربوون.
شەڕێکی سەخت بەردەوامە. شەڕڤانانی مەجلیسی سەربازیی مەنبەج و یەپەژە ئۆپەراسیۆنی کێوماڵکردنیان دژی چەتەکان دەست پێ کرد.
