چالاکییەکە لەلایەن (Defend Kurdistan) لەبەردەم بینای (Rai TV) ئەنجامدرا.

لە چالاکییەکەدا هێرشەکانی دەوڵەتی داگیرکەری تورک بۆ سەر ڕۆژئاوا و ڕۆژنامەنووسان شەرمەزار کرا.

لە ڕاگەیاندراوی چالاکییەکە دووپاتکرایەوە کاتێک ڕۆژنامەنووسانی کورد نازم داشتان و جیهان بیلگین هێرشەکانی سەر ڕۆژئاوایان ڕووماڵ دەکرد، لەلایەن فڕۆکەی بێ فڕۆکەوانەوە شەهیدکران.

هەروەها ڕاگەیاندرا لە بۆردوومانی سەخت بۆ سەر تشرین، خەڵکی سڤیل و ڕۆژنامەنووسان دەکرێنە ئامانج، بەهۆیەوە چەندین کەس شەهید و بریندار دەبن.

چالاکوانان ڕەخنەیان لە دەوڵەتی ئیتاڵیا و (Rai TV) گرت کە بەرامبەر کۆمەڵکوژییەکان بێدەنگن و زانیاری ناڕاست بۆ ڕای گشتی دەگوازنەوە.

چالاکییەکە بە درووشمی "بژی ڕۆژئاوا" و "بژی بەرخۆدانی گەل" کۆتایی هات.