بە سەدان کەس لە شارەکانی دێرک، گرکێ لەگێ، تل کۆچەر و چلاغا بە دروشمی "بە گیانی بەرخودانی ئیمراڵی پیلانگێری ٩ی تشرینی یەکەم و خیانەت تێکدەشکێنین" رێپێوان ئەنجامدرا.

ئەو چالاکیە و زۆر چالاکی هاوشێوەی لە چوارچێوەی پشتیوانی لە هەڵمەتی نێونەتەوەیی "ئازادی بۆ عەبدوڵا ئۆجالان و چارەسەری بۆ پرسی کورد" بەڕێوەدەچن.

رێپێوانەکە لە شاری دێرکی دەستیپێکرد و لە بەردەم بینای ئەنجومەنی بنەماڵەی شەهیدان کۆتایی بە رێپێوانەکە هات و گۆڕدرا بۆ گردبوونەوە.

لەوێ هاوسەرۆکی ئەنجومەنی پارتی یەکێتی دیموکراتیک (پەیەدە) لقی دێرک، ئایهان موراد قسەی کرد و وتی، " دەبێت چالاکیەکانمان بەردەوام بن، لەبەر ئەوەی ئێمە خاوەن پرۆژەی نەتوەی دیموکراتیکین کە لە سەر رامان و ئەندێشەکانی رێبەر عەبدوڵا ئۆجالان بونیادنراوە. لەبەر ئەوە دەبێت ئێمە هەمووکات هێمای سەرکەوتن بەرزبکەیەنوە تا ئازادی بۆ گەلەکەمان و رێبەر عەبدوڵا ئۆجالان بەدەستبهێنین".

ئەندامی ئەنجومەنی شاری تل کۆچەر یوسف ئەل مەحوسیش قسەی کرد و وتی، "ئازادی رێبەر عەبدوڵا ئۆجالان، چارەسەرکردنی پرسی کورد، چەسپاندنی ئاسای و ئاشتیە لە ناوچەکە، بناخەی ژیانی ئاشتیانەیە لە رۆژهەڵاتی ناوەڕاست".

ئەل مەحوس ئەوەشی خستەڕوو کە "بۆ ئاشتی لە رۆژهەڵاتی ناوەڕاست دەبێت رێبەر عەبدوڵا ئۆجالان ئازادبکرێت".

هـ . ب