خەڵکی شاری شەدادی لە کانتۆنی جەزیرە تەرمی ٢ شەڕڤانی هێزەکانی سوریای دیموکراتیک (قەسەدە) شەهید محەمەد نور جاسم ئەل ئەحمەد و ئەیمەن ئەل سەرحانیان بەخاک سپارد. محەمەد نور جاسم ئەل ئەحمەد لە ٩ ی کانوونی یەکەم لەسەر ئەرکەکەی لە زرگان شەهید بوو، ئەیمەن ئەل سەرحان لە ٩ ی کانوونی یەکەم لە مەنبەج شەهید بوو.

ئەندامی مەجلیسی بنەماڵەی شەهیدان، محەمەد خەلیل سەرەخۆشی لە بنەماڵەی شەهیدان کرد و گوتی: "شەهیدان شکۆی ئێمەن، ئەوان لەپێناو ئەم خاکە گیانیان بەخشی".

ناسنامەی هەردوو شەهید خوێنرایەوە و ڕادەستی بنەماڵەکانیان کرا.

تەرمی شەهیدان بە بەرزکردنەوەی درووشم بە خاک سپێردرا.