سەدان دانیشتووی تەبقە بە مەراسیمێک لە گۆڕستانی شەهیدانی تەبقە تەرمی ئەندامانی هێزەکانی ئەنتی تیرۆری سەر بە هێزەکانی ئاسایشی ناوخۆ، محەمەد سلێمان و ئەنەس ئەلڕەحالیان بەخاک سپارد. محەمەد سلێمان و ئەنەس ئەلڕەحال لە دێرەزۆر لە ئۆپەراسیۆنی "پتەوکردنی ئاسایش" شەهید بوون.

لە مەراسیمەکەدا، هاوسەرۆکی مەجلیسی بنەماڵەی شەهیدانی تەبقە، عەبدولحەکیم حوسێن، گوتی: "خوای گەورە ڕەحم بەو شەهیدانە بکات کە بەڵێنیان دا و بەڵێنەکەیان جێبەجێ کرد، شەهیدان گیانی خۆیان بەختکرد بۆ پاراستنی ئەم وڵاتە".

هاوسەرۆکی کۆمیتەی ناوخۆی تەبقە یەسرب ئەلحوسێن، گوتی: " لایەنە خیانەتکارەکان لەژێر درووشمی درۆینەی نەتەوەیی و ئیتنیکی و لە ڕێگەی شەڕی تایبەتەوە هەوڵدەدەن ئاژاوە و شەڕی ناوخۆیی لە نێوان گەلی هەرێمەکەدا دروست بکەن، ئەو لایەنانە ناتوانن بگەنە ئامانجەکانیان. ڕاستی دەمێنێتەوە، هەمووان قوربانی گرانبەها دەدەن بۆ ئەم وڵاتە، وەستانی ئێمە لەم شوێنەدا پیرۆز و نموونەییە".

فەرماندەیکی ئەنتی تیرۆر، شیار حەمۆ، گوتی: "بەو که سانه دەڵێین که ده یانەوێت یان بیر لەوه دەکەنەوە دەستوەردان له ئاسایش و سه قامگیری ئه م وڵاته بکەن، هەسەدە پارێزەری هەرێمەکە و گەلە، لەپێناوی وڵاتدا گیانی خۆیان بەخت دەکەن".

هەروەها گوتی: "تۆڵە لە دوژمنی وڵات تێکدەرانی ئاسایشی دەکەینەوە".

هاوسەرۆکی مەجلیسی یاسادانانی ئیدارەی سڤیلی دیموکراتیکی مەنبەج، هودا ئەلعەوان، گوتی: "ئامانجی ئۆپەراسیۆنەکە لەناوبردنی شانەکانی داعش و بازرگانانی مادەی هۆشبەرە، هەروەها ڕێگرتنە لە هێرشە چاوەڕوانکراوەکان و دەستگیرکردنی تاوانباران".

پاشان، ناسنامەی شەهیدەکان خوێنرایەوە و ڕادەستی بنەماڵەکانیان کرا.

تەرمی دوو شەهیدەکە لە گۆڕستانی شەهیدانی تەبقە بەخاک سپێردرا.