فرۆکە جەنگییەکانی دەوڵەتی تورک لە ١١ی کانوونی دووەم ڕۆژی سێ شەممە لە گوندی مەشرەبی سترین ماڵێکیان بۆردوومان کرد. لە ئەنجامی هێرشەکەدا لە هەمان خێزان ٥ کەس شەهید بوون کە ٢یان منداڵە و ٥ کەسیش برنیدار بوو.

بە سەدان کۆچبەر لە کەمپی گرێ سپی بۆ شەرمەزار کردنی ئەو کۆمەڵکووژییە و پشتگیری کردن لە قەسەدە کە لە بەرانبەر داگیرکەران بەرخۆدان دەکات، ڕێپێوانێک بەڕێوەچوو.

دانیشتوان لە گۆڕەپانی سەرەکی هەتاوەکو گۆڕەپانی پێشوازیکردن ڕێپێوانیان کرد.

لە ڕێپێوانەکەدا ئاڵای قەسەدە، وێنەی شەهیدان و پانکارت بە نوسینی سڵاو کردن لە بەرخۆدانی قەسەدە هەڵگیرا. دروشمی "بژی بەرخۆدانی قەسەدە" و "نا بۆ داگیرکاری تورک" بەرز کرایەوە.

جەماوەر لە گۆڕەپانی پێشوازیکردن لە کەمپەکە وەستان. لەوێدا هاوسەرۆکی ئەنجوومەنی عەین عیسا سەبری نەبۆ قسەی کرد و هێرشەکانی دەوڵەتی تورک و چەتەکانی شەرمەزار کرد.

سەبری نەبۆ وەبیری هێنایەوە کە کۆمەڵکووژی سیرین هاوکات بوو لەگەڵ کۆمەڵکووژی پاریسی ١٢ ساڵ لەمەوپیش لە دژی تێکۆشەران ساکینە جانسز، لەیلا شایلمەز و فیدان دۆغان ئەنجام درا.

سەبری نەبۆ سڵاوی لە بەرخۆدانی قەسەدە لە بەرانبەر هێرشەکانی دەوڵەتی تورکی داگیرکەر و چەتەکان لەسەر بەنداوی تشرین کرد و پشتگیری خۆی بۆ شەڕڤانان نیشاندا.

چالاکییەکە بە بەرزکردنەوەی دروشمی "بژی بەرخۆدانی قەسەدە"، "شەهید نامرێت" و "بژی بەرخۆدانی بەنداوی تشرین" کۆتایی هات.