بە سەدان دانیشتووی شاری چلاغای کانتۆنی جەزیرەی کورد، عەرەب کۆچبەرانی کانتۆنی عەفەین-شەهبا بە ڕێپێوانێکی جەماوەری پشتیوانییان لە قەسەدە کرد.

جەماوەر لە چوارڕێیانی ژنان لە ڕۆژئاوای چلاغا دەستیان بە ڕێپێوان کرد. لە ڕێپێوانەکەدا ئاڵای قەسەدە و ئیدارەی بەڕێوەبەری بەرزکرانەوە. پانکارتی "هەموومان قەسەدەین"، "بە هەموو پێکهاتەکانمانەوە دژی کوشتن و کۆچبەرکردنین" و "دەست لەدەست لەگەڵ قەسەدەین" هەڵگیرا.

جەماوەرە بە شەقامەکانی شاردا ڕێپێوان و لە چوارڕێیانی شەهید مەعسوم وەستان. دوای خولەکێک ڕێزگرتن، ئەندامی دەستپێشخەریی گەلی چلاغا ساڵح سەفۆ، سەرنجی بۆ بەرخۆدانی گەلی هەرێمەکە ڕاکێشا و وتی: "بەرخۆدانی گەلی هەرێمەکە بەرانبەر بە ڕژێمی زۆرداری بەعس، بە کەوتنی ئەو ڕژێمە تاجداربوو. کردەوە تاوانکارییەکانی دژی گەلی سوریا و بەتایبەت گەلی کورد کۆتایی هات".

لە درێژەیی قسەکانیدا ساڵح سەفۆ هێرشەکانی دەوڵەتی تورکی داگیرکەری لە دژی هەرێمەکە شەرمەزار کرد و وتی: "هەوڵی بونیاتنانی سووریایەکی دیموکراتیکی نوێ دەدەین، بەڵام دەوڵەتی تورکی داگیرکەر و چەتەکانی دەستکەوتەکانی ١٤ ساڵەمان کە ڕەنجی هەزاران شەهیدە، دەکاتە ئامانج. ڕێپێوانی پێکهاتەکانی عەرەب و کورد نیشانەی پەیوەندی بەهێزمانە. ئەم ڕێپێوانە پەیامێکە کە هیچ کەسێک ناتوانێت پێکەوە بوونمان لەناو ببات. لە بەرانبەر هێرشەکاندا شانبەشانی شەڕڤانانمان لە سەنگەرەکانی بەرخۆداندا شەڕ دەکەین. بەڵێن دەدەین پرۆژەی نێونەتەوەیی دیموکراتیک و خوشک-برایەتی گەلان بپارێزین هەتاوەکو سووریایەکی دیموکراتیک بونیات دەنرێت".

ڕێپێوان بە بەرزکردنەوەی دروشمی "هەموومان قەسەدەین"، "بژی بەرخۆدانی گەلان"، "بژی بەرخۆدانی قەسەدە" بە کۆتا هات.